|
بلادي..
بلادي.....
بلادي ماشي كيفْ البلدان جميله وكبيره جبالْ أوديان الطيور فيها كثيره نسور..جاوجْ أغربانْ لوحوش شهيرَه قنافذ مْشوْكه ما نسااااااااوش الضرْبان الزواحَفْ الحـْنينه عڭـارب أثعبان كنت صغير نمشي بْ صباط ْمقطعْ سروال قديم أمرقعْ نعسو فْ مترو مربَّعْ ماتڭـول آشْ هادا ؟ ماشتي والو جيرانـَّا ڭـمْله ..نمله ..ڭـْراده ولدْ الناسْ ِزينْ حالو إتفرجْ علْ الفـْراده وانا وصحابي الفقـرَا نحْتالو عل الطيور..نقتلو جراده نتسلـْلو نسرقو الجـَّرْدَه سمعنا غواتْ ..جـْرينا .. ماكـْلينا والو خذوها مني شْهاده المسكين إبقى مسكينْ وْهدا حالو شفت الصبر تـْقادى لا تسمعْ لْ الراديو لا تقرا جرْنالـُو ڭالو ..الحال زيانْ حالو خافو الناس تـْعادى هذا ما ڭالو .. هدا ما ڭالو .. ماڭالو والو .. والو ..والو .. |
زجلية رائعة..تحكي الواقع المعيش..
تحياتي أستاذي الفاضل التجاني.. |
وأخيرا غرد بلبل بومية صداحا بعد طول صمت في يوم ربيعي ....... يتألم على واقع هذا الوطن....تحياتي أخي التيجاني
|
اقتباس:
مالك يا مداد قلم ؟ لم تترك مزاحك ؟ طبعا أنت تعرف الثعابين والقنافذ المشوكة في هذا الوطن ..اصحاب كروش الحرام والرشاوي الخ...وكل مسؤول غير غيور على مصلحة الوطن الكبير الجميل ... سررت بتعليقك مودتي |
مولاي التيجاني
عدت بي إلى أيام الطفولة سباط الميكا ونعايل الكاموس وامة ناعسة فبيت ومغطية بعبانة والكملة كد الفولة (ثلاث نقط فوق الكاف) وآلمتني عندما سرت بي إلى حال الغريب في هذا الوطن تقبل مني مروري المتواضع ولك مني التقدير كله |
| الساعة الآن 01:25 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها