أخواتي الفاضلات <<< ولا هانوا الشباب بس القصيده لها موضوع خاص بهن
.
هذه أول قصيدة بس راح أخليها من أجل الحب
.
والحب يحتاج إلى الصدق في النصح
.
يسعد لي مساكم بالخير
.
.
.
ماراح أتكلم كثير بس القصيدة راح تشرح لكم موضوعها البسيط
.
البنـــــــــــــــــــــــــــــــت
.

الشمس لو تطلع على الثلـج مـا ذاب

ساعة يـذوب الثلـج يعنـي دمـارك

بس استحي ثم غطي العيـب بثيـاب

والعيب كان انك طرحتـي خمـارك

ثم اعرفـي ان الذيابـه لهـا انيـاب

لو كان تضحك من يميـن ويسـارك

شوفي ترى الثعبـان باللـون خـلاب

واذا ابتسـم سمـه يغطـي جـدارك

راع الهـوى يابنـت بالحـب كـذاب

والكذب صنعه لين يكشـف ستـارك

ترى الشرف يابنت من دون هالبـاب

والبيت ستـر البنـت والستـر دارك

والبنت ماتهرج بـلا عـد وحسـاب

من خوف كلمـة عاقبتهـا انهيـارك

ابنصحك لا تسمعي شور الاصحـاب

بعض الرفاقة شـر وتصيـر نـارك

كن الزجاج العرض من خوف ينصاب

والعرض يوم انصاب يعني انتحـارك

انتي كرامة بيـت اهلـك والاقـراب

وانتي فخر امـك واهلـك وجـارك

قالوا تخلـف والتخلـف لـه اسبـاب

ليه النساء في ديرتـك مـا تشـارك

دعوة فساد وكنهـا صيحـة غـراب

يبغى الظلام يصيـر بـاول نهـارك

لو بالتحرر خيـر ماجـوك طـلاب

هـم مانسـوا يابنـت ام المـعـارك

هم مادعوا للبنـت بالستـر وحجـاب

هذي دعـاوي قبـل تقطـف ثمـارك

والبنت مثل الورد يستاهـل اعجـاب

ان كان كلمـة ستـر دايـم شعـارك

تكفيـن لا نفقـد شرفنـا والانسـاب

والغـرب مايرتـاح حتـى دمـارك

وسلامتكم
.
.
بقلمي المتواضع