|
مكتوب : قصيدة زجلية
في البداية أشكر الأستاذ الغلاق لأنه جعلني أفكر في كتابة مشاركة زجلية بالدفتر الأدبي. أتمنى أن أكون ضيفة خفيفة الظل عليكم جميعا.
مكتوب مكتوب ومسطر من بكري كتاب ايامي اللي دازت و الليام اللي غاديا تجري. مكتوب من بكري و قبل من نتزاد ف الدنيا و قبل ما نولي نعرف و ندري. مكتوب لي سعد جاي يمكن نلقاه ومكتوب لي الشقا نعيشو ف ايام و ايام نتخاصم معاه و مكتوب لي الفرح ومكتوب القرح وعلاش نبكي و نوح وانا كل ما صار لي و غادي يصير مكتوب ف اللوح سطرو الخالق ف الجبهة مستور ماشي مفضوح حكمة ربي خالقنا و فينا زرع هذ الروح فينا القاتل فينا المقتول فينا العاقل فينا المهبول. وفينا اللي الكلام مسكم ليه و فينا اللي بلسانو و ما عارف ما يكول. شوف حكمة ربي يالغافل لا تكون مسطول را قدرك مسطر من بكري هذا ماشي كلامي كلام ربي و ف القرآن منزول. را حقا يبقى في راسي و نشفق عليه و ما نكذب شي لا كلت باللي شحال من مرة بكيت عليه ولكن غير نتفكر كلام ربي و يتفرج الهم المخبي. و لكن را غير ابنادم أنا ما شي حجرة يلا قدمني الزمان نحس بالحكرة و يلا صاحبني الصبر نحس بالقهرة و تخياب ف عيني النظرة و نرجع ونكول : مكتوب كتاب ايامي اللي داز منها واللي باقي غادي يجري مكتوب ما تبدلو اقلام و علاش نعذب ف قلب بالتخمام بدموع من عيني بحال شمعة شاعلة و تذوب على الليام من حر هم ما مغيرشي و كد ما بكيت ماغديشاي نبدل المكتوب مكتوب/ 29يناير2005 |
ماشاء الله عليك اختي فيرز...فقد راقني زجلك بشكل مثير.......... سجلي اعجابي بنبض حرفك... دام لك الالق والتالق.... لك تحياتي ومودتي... |
مرحبا بأول هطول زجلي الأخت فيروز...لمكتوب يتصرّف ب الصّبر...مودتي
|
شكرا لملاحظاتك أستاذ فؤاد
و شكرا أختي فوزية دام لكم السعد |
زجــلك يا ختي يتسـلل لقلوب مايقدرشاعرحساس عليه يدوز بلاما يبصم ويوقع ف "مكتوب" كلام تنـطـقيه ولا أحـكـم عـكوز من يوعاه يخشع وفكنهه يذوب وفقدرة الخالق شــكـو مايجوز قلمك ينزف وعــليك ينوب بتعبير واضح ماشي مرموز كلامك صادق ما فيه كذوب بالحق مرصع بالصبر مطروز مكتوب ياختي ومامنو هروب بلقياك وبحبـك أخيرا نــفــوز وتكوني فقلبي أغلى محبوب يا خفيفة الظل يا أحلى فيروز |
| الساعة الآن 01:20 |
Powered by vBulletin® Copyright ©2000 - 2026, Jelsoft Enterprises Ltd
جميع الحقوق محفوظة لمنتديات دفاتر © 1434- 2012 جميع المشاركات والمواضيع في منتدى دفاتر لا تعبر بالضرورة عن رأي إدارة المنتدى بل تمثل وجهة نظر كاتبها