مسكوتة بالماء الساخن
السلام عليكم ورحمة الله وبركاته
كنقدم ليكم مسكوتة ساهلة ماهلة ولذيذة وبنينة
المقادير :
3 البيضات
كاس كبير ديال سنسدة
كأس الا ربع ديال الزيت
كاس الا ربع ديال الماء الساخن
2خمارات
ملعقة كبيرة ديال شكلاط غبرة( أنا كنستعمل ديال لعبار محيت لونه مغلوق)
الطحين حسب الخليط
الطريقة:
كما العادة كنسبقو البيض مع سنيدة ثم الزيت ثم كنضيفو الماء الساخن(حنا تنضيفو وتنحركو) ثم الطحين والخمارات و الشكلاط غبرة.كنديرو فالمول لي دهنا بالزيت ورشينا بالطحين ثم نديروها فالفران طيب .وبالصحة والراحة.