[3amale]

و على هاد الحساب بقوة الشغب اللي تيوقع في المؤسسات الثانوية اعدادي او ثانوي غتعمــر الادارة تقاريــر ... لان عوتاني الادارة خاصها تقوم بالزجـر ديالها ،راه ماشي مسالة تقارير فقط ، واش تاخذ على محمل الجـد او لا ؟ لان الادارة كاينة اللي متساهلة تدصر عليك التلامــيـذ و هنا تقاريرك متتنفع في والو حيث ميديوهاش لا في تقاريرك او لا هو يجي يرغبك على التلامـيـذ بينك و بينه و من بعد يمشي يقولهوم صافي هداك على حسابي راه اسمح ليكم و يدير عليك بطال و نتا اصلا ممسامح والو ، راه مزال هاد "العقليات " كاينة ...
و كاينة الادارة اللي تعاني من شخصيات بعض الاخوة الاساتذة اللي تتكون ضعيفة ... و هنـا المشكل من الاستاذ ماشي التلاميـذ او الادارة ... ماشي الاستاذ يكتب تقرير و من بعد يجي يرغبوا المشاغب و يسمح لـيـه ، من الاول متكتبـــوش و الى كتبتيه خليه ياخذ الطريـق ديالو و الادارة تقوم بشغالهـا ...
الصراحة راحــة و للحديث بقـيـة