[أم ايمان]

اقتباس المشاركة الأصلية كتبت بواسطة mahmohokamma إلى تبهدلت يا خويا حمادي راه فبلادنا لي مبهدل كثر مني ومنك وغير ترجل ، وشوف ليك شي بنت الأصل ودير معاها ولادك وما يهمك لغلا ...ولا حتى القاضي... غير انشر رجليك على قد لحافك ويلا خنسات احلامك وذبلات ورادك راه ربي كبير ، قادر يحقق مرادي ومرادك وما دام قادر تصبر، وتصرف مكتوبك فهذي نعمة من عند الله راه فاقدها غيرك ربي ، غير بغا يختابر صبرك ويجربك وما دام الجمرة ما زالت حمرا تم فرمادك راه تعاود تزند ، وتدفي عظامك واتبعد عليك الكز لي يزيد سقامك ويرجع الدفا لذاك لقليب ويتحقق بعون الله حلمك ومرادك ويصفى عقلك وتعرف اتفكر وهكذا اتبدد مخاوفك وتنجالي وهامك غير اترجل يا خويا حمادي وشوف ليك شي بنت الآصل ودير معاها ولادك ولا تبقاشي عزري راه فالزواج تلقى هناك وسعادك والدنيا ما زالة بخير الله يحقق مرادك .

اوا أسيادي ..تبارك الله عليكوم بزوج
الي ياس من الدنيا ماشي لخاطرو
او الي كيشجع قلبو بالحزن ممزوج
طلوع الجبل حتى لراسو ما شي ساهل
خاصو الصبر او الصبر او تفكير منسوج
او الي عاش بين لحفاري رضى بالذل
احس براسو ديما مخنوق او مقجوج
كتب خويا التجاني او جاب لكلام فتمام
او رد السي محمد رد ما فيه عووج
اوا اسيادي تبارك الله عليكم بزوج