[المتابر]

السلام عليكم ورحمة الله وبركاته أشكركم جزيل الشكر على مروركم
الأخ الكريم tezquiيسالني على تفاصيل القضية أقول له نعم كما تشاء سأحكي لكم القضية بكل حذافرها والله العظيم ما سأقوله حدث امام عيني لصديقي هذا وانا كنت معه حين وقعت الواقعة والله على ما أقول شهيد
المهم كنا بزوج في زيارة لواحد الصديق ديالنا في البيت لانه كان مريض ودهمنا الوقت وخرجنا من عنده بعدما صلينا العشاء المهم واحنا في الطرق وقفنا في (فيلاج)وقفنا السيارة جانبا ودخلنا المحلبة لنشرب كأس عصير وبعدما خرجنا وجدنا امرأة ومعها بنت وولدين ومعهما رجلان ينظران الينا من بعيد لما اقتربنا من السيارة قالت لينا المرأة نتوما ضربتوا لية بنتي قلنا ليها متى وكيفاش مفهمنا والوا بقينا كنديو ونجيبوا مع المراة حتى تموا جايين شي رجال اخرين بغاو يتهجموا علينا حقيقة احنى خفنا لاننا معندنا حتى باش ندافعوا على روسنا هربنا منهم باعجوبة جينا البيت قلنا المالين الدار هادشي اللي وقع قالولينا هادوك غير بغاو ينصبوا عليكم المهم احنى بقات القضية عندنا حاسبينها غير نصب واحتيال هما اخداو النمرة نتاع السيارة اعطاوها لرجال الدرك فواحد النهار جاو رجال الدرك وقالوا لينا بغيناكم واحد شوية في الدرك احنى مفهمنا واوا لان السيارة كنبيتوها عند العساس احدى الدرك لانهم سولونا واش عندكم السيارة قلنا ليهم نعم قلنا احنى مع روسنا غير السيارة اللي وقع ليها شي حاجة عند العساس المهم امشينا وتفاجأنا بهاديك المرأة ومعاها هادوك الأولاد موجودة في الدرك قالوا لينا واش عرفتوا هاد المرأة قلنا ليهم نعم وراه وقع لينا معها كذا وكذاتقريبا هذا أسبوع المهم بداو علينا بالأسئلة والتهم واحد كيهدر من اهنا والاخر كيهدر من اهنى المهم تخربقنا معرفناش باش تبلينا اللي معندوش تجربة هو هاداك بقاو علينا راه كاينين الشهود ونمشي انا ويقولوا لصاحبي راه هو اعتارف غير اعتارف حتى انت المهم ضغطو علينا بزاف وقالوا لينا انتما اش خاسرين الاوراق نتاعكم كلهم مزيانين معندكم علاش تخافوا غير قولوا لينا راح احنا وصافي وراه غادي تمشيوا فحالكم واحنا مع قلة المعرفة ولينا معتارفين بحاجة مدرناهاش معرفناش واش العقيبة ديالها كبيرة هاكدة المهم كذبوا علينا وصدقناهم واحنا قلنا غادي يخرجونا صدقنا في المحكمة الابتدائية غادي تقولوا واش احنى كاع كوانب حتى الهاكدة كاينين هاد النمادج باقي في هاد الزمن لان كنا كنقولوا ان القانون في خدمة الشعب هو لا في تغريق الشعب باش يحيدوا هما عليهم المسؤولية وفاشما جات المهم الحمد لله تدخلوا ناس يسرهم لينا الله سبحانه وتعالوا ولاننا مظلومين والله سبحانه أعلم بظلمنا وحكمت الابتدائية علينا بشهرين مع وقف التنفيد مع ان الدرك كاتبين في المحضر قتل مع عدم ملائمة السرعة والظروف والفرار المهم دابة احنى باقي معرفناش الإستناف اشنوا غادي تقول في هاد القضيةوصاحبي هو اللي كان سائق في هاديك اللحظة ومتزوج وعنده ثلاثة أطفال وخايف على خدمتوا
سمحوا لية على الإطالة فوالله العظيم الى هاد القضية اثرت فية بزاف انا واولادي لانني غير مظلوم فيها ولكن الحمد لله على كل حال
السؤال هنا الى جات على خاطركم اشوا ممكن يوقع في هاد الاستناف واش الى تأيد الحكم في صالحنا ولالا والى كان لا علاش واش هاد القضية غادي تأثر ليه على خدمتوا ولالا أرجوا من الإخوان الكرام ان تأخذوا هذه القضية كأنها قضيتكم وتجاوبوني في أقرب وقت ممكن
وجزاكم الله خيرا وأسأل الله سبحانه وتعالى أن يجعل كل مجهوداتكم في ميزان حسناتكم