[زهرة الجنوب]

تكلمت مع محبوبى عازف الناى يوما عن ماهية الحب والى أى مدى قد يصل وما هى ثماره وأهميته وحدوده ....وكالعادة نظم قصيده تحمل المختصر المفيد ......

بين الحاء والباء

كلمه مع الروح بتسرى وتعطى للقلب شوقه
الكون يجرى وراها غروبه يسبق شروقه
تحمع ياما وتآلف وتكره اللى يخالف
يهينها كل هين ويعزها كل عارف
يا حاء غنى معايا زيحى الأسى من حشايا
بالعفه والطهر غنى واملى قلوب الصبايا
الحاء والباء نشيدى عرفت فيهم عهودى
بين الحلال والحرام بنيت بيهم حدودى
يا باء بالبر جودى وذكرينى جدودى
كانوا على العهد ماشيين فقلديهم تسودى
وكيف مشيتوا مع الناس عن قصدهم ما سألتوا
الحب هو الأساس ان كان غايتكم وصلتوا
الحب سيفى ورمحى ووردى فى الغيط وقمحى
كام طعنه فى القلب مالناس والحب يغفر ويمحى
سمانا عشقت نجومها فى الليل تغازل الكواكب
فى قربهم تشرب النور وعن بعدهم ما تحاسب
أنا مالى مهزوز وخايف للزين والشين شايف
وكلمة الحق عرجا عندى وأخاف المواقف
لو كان حبى صحيح ألزم طريق الحق
والحق فيه الجمال مهما صعب أو شق


عازف الناى الدشناوى
22/4/2009
</i>