:: دفاتري جديد ::
تاريخ التسجيل: 6 - 12 - 2008
المشاركات: 32
|
نشاط [ miss jana ]
معدل تقييم المستوى:
0
|
|
22-06-2009, 13:49
المشاركة 20
الف شكر انا كمان كوحدة من هاد الشباب كيقلقني نشوف بنادم لابس شي حاجة مافاهمهاش وبالنسبة ليا ماكانلبس تانفهم وشخصيا بغيت ندكر واحد جوج مواقف عالله ياخد بيهم عبرة
هادي سمعتها فالتيفي على لسان واحد لمقدم قالك واحد الراجل كيتسارا مع ولدو فالمغرب فمراكش ماعليه مابيه وقف عليهم كاوري قالوا how much it cost? السيد ماكيفهمش الانجليزي عايط لواحد دري قاري قالو عفاك ترجملي وكده لمهم هدر مع الكاوري ملي جا يترجم للسيد تصوروا شنو كتاشف قالو الكاوري بشحال كيتباع وكان كيهدر على ولدو حيتاش كان ملبسو تيشورت مكتوب فيه للبيع FOR SALE وتصور فين وصلنا
والموقف التاني ترالي انا شخصيا كنت فواحد لقهوة مع العائلة داك شي دالعائلات زعما ودخل واحد لغروب دلبنات باين عليهم محترمين وبنات لكلية واحد خايتنا محتجبة لابسة بودي مكتوب عليه I'm a lesb... لموهم بلا مانكمل اضافة الى شي تصاور تاع قبلات ...
لمهم خليتها تاناضت تغسل يدها تبعتها قتلها ختي لاجات على خاطرك واش كاتفهمي الانجليزي باش مانتبزطش ادا كانت كاتفهم رايعني عارفة شلابسة وتمشي تقولي ماشي سوقك وكده لمهم قاتلي لا قتلها هاشنو معنى هادي وهادا وشرحتلها ايوا هيا تمرك حشمات لبنت
لدلك الله يخليكم بلا ماتبقاو تابعين الموضة بلا ماتفهموها وزد على دلك اللي كاتب killer وزيد وزيد كيشاوهونا وعاد اللي عجباك مزيان دوك سراول ددراري ليقربوا يطيحوا (راكم عرفتوهم بلا مانطول ) هادوك فالميريكان كيلبسوهم غير gays سوري ولكن هما اختارعو هاد طريقة باش ملي يكونوا فمكان عمومي يتعرفوا على بعضياتهم بسهولة وجينا حنا تبعناهم اما حوايج دلبنات اللي ولات سنسلة دلجينز اللور انا مابغاتش تفهملي المهم الله يخرج عاقبتنا على خير نتمنى تكون فكرتي وصلات واخا طولت عليكم
|