السلام عليكم
اسعد الله ايامكم
ماتخافش بنت البلاد فران وقاد بحومة ههه
سعدك بي أنا المرا
أنا الحرّة بنت الحرّة
نعشق الشّمس و سحر القمرة
و على ضي النّجمة نحب السّهرة
ربّنا جعلني في عينك زهرة
و خلاّ صورتي بحلاوة التّمرة
بهمسة منّي ضرّك يبرا
ندفّي ليلك من قرّ السّمرا
و رزقني الخالق قوة و قدرة
ما نرضى بذلّة و لا بحقرة
نمدّ فروعي مثل الشّجرة
و نعطي من صبري ألف عبرة
و يلا تحقرني نولّي حدجة مرّة
نحرق ما نرحم كيف الجمرة
و أنت يا سيدي فاهم العبرة
ما ترضى بهمّ و لا بهجرة
خديجة بلعوح