كنتمنى تكونوا بخير ... الله ينور طريقكم بغيت المساعدة ديالكم ودقيقة من وقتكم ....
خديت الباك ف 2009 ومن بعدها درت تكوين مهني خاص قريت فيه سنتين ودابا عندي باك + 2 .. ماجابش الله شي خدمة وحتى الاجازة المهنية معنديش امكانية نتقبل فيها حيت قريت فالقطاع الخاص وواخا معتمد ... ما علينا
حاليا كنفكر وعندي رغبة كبيرة باش ندير الجامعة ونقرا الحقوق وجد مصر على هاد الهدف .. مبغيتش نبقى جاالس ونلقي باللوم على الوقت ولا شي حاجة بحال هكدا من بعد ما جلست عام ونصف ندير السبب والكمال على الله وفنفس الوقت نطور من داتي ومن مستواي بالجامعة حيت كيعجبني نقرا ... المشكل الللي كاين حاليا هو أنني بغيت نتسجل فالجامعة وكندخل ضمن فئة الباك " قديم" وبغيت نقرا فسلا اولا الرباط باش نقرا وفنفس الوقت نخدم بالدبلوم مع العلم انني تابع لاكاديمية جهة طنجة تطوان ومعنديش مشكل نجيب شهادة السكنى على حساب سلا ... فطنجة كيعكسو وخاص شي تدخل وحتى الظروف المادية مكتساعفنيش نستقر فطنجة بعكس مدينة سلا .... بغيتكوم تعاونوني كيفاش ندير والله ايلا بااااااااااغي نقرا وحاليا فقدت الامل نوعا ما فالولوج للجامعة حيت كاين الي كيقولي انت وزهرك ولا خصك المعرفة ... انتوما اهل الاختصاص باش كتنصحوني ... فين نمشي باش يساعدوني فالتسجيل سواء بالرباط او سلا ... ولا نحاول نتسجل فطنجة ونجيب الانتقال ولا شنو ؟؟ وهل يوجد قانون يفرض على كل حاصل على الباك التسجيل بالجامعة التابعة للاكاديمية التي حصل بها على الباك قبل الانتقال ام مادا ؟؟ .... الله يجازيكم بخير والله ايلا غتساهمو فتحقيق واحد الحلم كان عندي مند مدة ولا زال ... وكنتمنى منتبخلوش عليا بكل كبيرة وصغيرة ... الله يجيب اللي يوقف معاكم ويسهل عليكم ما صعاب .. وشكرا مسبقا
فقدت الأمل في الولوج الى الجامعة .. أرجو منكم ألا تبخلوا علي بالمساعدة
المواضيع المتشابهه
