موسوعة الأمثال الشعبية المغربية .

[خادم المنتدى]

1-*اللي حبك حبه أكثر واللي باعك لا تشتريه.


2-*الِّليْ مَا عَنْدُو فُلُوسْ كْلاَمُوا مَسُّوسْ.


3-*الِّلي رْبَّا الغُرَابْ يُنْقَبْ لُو عِينُو.


4-*الِّليْ وْفَى أَجْلُه يْمَدْ رَجْلُه.


5-*الِّليْ مَاتْ لُو غْزَالُه أَشْ مْنْ حْبِيبْ يْبْقَى لُه.


6-*الِّليْ ما عَنْدُو مَا يَشَدّْ إِشَدْ فَمُّو.


7-*الِّليْ تْهَرَّسْ لو مْنْجْلُو يَعْمَلْ مَنُّو مْحَشَّةْ.


8-*الِّليْ شَفْتو رَاكْبْ عْلَى قَصْبَة قُولْ لُو مبروك
العُودْ.


9-*الِّليْ تخدمو طيعو و اللي ترهنو بيعو.


10-*اللِّي كَيْعَمْلُه يَبْلِيسْ فْعَام تْعْمله العْكُوزَة فْسَاعهْ.


11-*اللي وصل بلاد غير بلادو خل الهم لولادو.


12-*اللي ما جا بالمحبة مايجي بحزارة.


13-*اللي دارها بديه افكها بسنيه.


14-*اللي ماقدو الفيل, زيدوه فيلة.


15-*اللي بغا يدفع البلا يتوضأ للصلا.


16-*اللي قال ليك العرس ساهل يسقي لو غير الما.

17-*اللي خلى غذاتو لعشاتو, ما شفع ذاتو.


18-*اللي بغى لعسل يصبر لقريص النحل.


19-*اللي عضو الحنش, تيخاف من الحبل.


20-*اللي قال العصيدة باردة, ادير يدو فيها.

21-*اللي بغى الزين, يصبر لتقيب لودنين.


22-*اللي ما تيخيط كساتو, يطيب غذاتو, يحلب شاتو عزيه فحياتو.


23-*اللي بغا طامو يحل بزطامو.

24-*اللي كيربي ولاد الناس بحال اللي كيدق الما فالمهراز.

25-*اللي فاتك خليه لبناتك.

26-*اللي زرع الشوك تيحير فاحصادو.

27-*اللي دا بنت عمه بحـال اللي عيد من غنمه.

28-*اللي عنده امه في البيت يدهن فمه بالـزيت.

29-*اللي قالك لا تقولو و اللي سولك لا تعطيه خبار.

30-* اللي تيتسحر مع الدراري كيصبح فاطر.

31-*اللي فاتك خليه لبناتك.

32-*اللي عضو الحنش كيخاف من الحبل.

33-*اللي ما يخافش من الله خاف منو.

34-*اللي بغا العز يديرو الراسو.

35-*اللي عمر مدة ما تقتلو شدة.

36-*اللي ما اشطح ما غنى بحالو ابحال الطنة.

37-*اللي ترهنو بيعو و اللي تخدمو طيعو.

38-*اللي ما عندو هم كتولدولو.....تو.

39-*اللي سبق تياكل النبق.

40-*اللي ما ولدو ما حن عليه.

41-* اللي ما لقى الخير فركانو يكون الخير فلسانو.

42-*اللي قلبه على حبيبه يدور عليه ويجيبه.

43-* اللي حبك حبو و لقلبك زوجو و اللي جفاك جفيه و تعداه و دوزو.

44-*اللي احشم فما ضرو الشيطان غرو.

45-*اللي حبابو عريانين عمرو ما يتكسى.

46-*اللي شاف شي يقول الله يستر.

47-*اللي خرج من دارو كيتقل مقدارو.

48-*اللي دار راسو فنخالة كينقبو الدجاج.

49-*اللي ربط *********ارو مع الحمير كيتعلم الشهيق و النهيق و الخروج على الطريق.

50-*اللي ضرباتو يدو ما يبكي.

51-* اللي ما عندها بنتها تدفن راسها في حياتها.

52-* اللي شتيها بسعدها اعرف كاتكمل من عندها.

53-*اللي حبك ما بنالك قصر واللي كرهك ما حفرلك قبر.

54-*اللي تيكون أناني تيبقى وحداني.

55-*اللي اربحتيه تاكله و الدين باش تخلصو؟

56-*اللي دارها بيديه يفكها بسنيه.

57-*اللي ما عندو سيدو عندو لا لاه.

58-*اللي درقك ابخيط درقو بحيط.

59-*اللي عندو باب وحدة الله يسدو عليه.

60-*اللي فات مات.

61-* اللي كايشطح ما كايغطي وجهو.

62-* اللي حن يتمحن.

63-* اللي زربوا ماتوا.

64-* اللي دارتو الذبانة, راها دارتو, حتى من الفراش و الخامية راها قامتو, و اللي ما كان كايسوا اعطاتو ساعتو.

65-*اللي ما جاب لا قلام ولا دواية ما عول على
قراية.

66-*اللي ما شاف من عين الغربال اعمى.

67-*الِّليْ يْعْمَلْ رَاسُه في المَزْبَلَةْ كَيْخَرْبْشُوهْ. الدّْجَاجْ.

68-*الِّليْ تْهَرَّسْ لو مْنْجْلُو يَعْمَلْ مَنُّو مْحَشَّةْ.

69-*اللي عضو الحنش, تيخاف من الحبل.

70-*اللي اطيبو المعفونة ياكلو رجلها.

71-* اللي تطوف ما تغزل الصوف.

72-* اللي مارضا بخبزة ما يرضا بنصها.

73-* اللي شافتو غنو بغات منوا.

74-* اللي فيه شي اطبيعة ما ايبيعا.

75-* اللي امغطي بمتاع الناس عريان.

76-* اللي يتصاحب مع الكراب يتصاحب امعاه في الليالي.

77-* اللي ابغها كلها كيخليها كلها.

78-* اللي انفخ على اللبن كيسعاه.

79-* اللي اكلى دجاج الناس ايسمن ديالو.

80-* اللي دار راسوا قي النخالة ينقبوه الدجاج.

81-*اللي ضروا رسوا, اعاود لرسوا.

82-* اللي مشى بلا عراضة يجلس بلا فراش.

83-*اللي بلاه الله بالسعاية، يقصد الديور الكبار.

84-*اللي حرثو الجمل، دكو.

85-*اللي دا شي، اداه، واللي زلق جا على عين قفاه.

86-*اللي مشيت على قبلو ماجبتو، واللي خليتومالقيتو.

87-* اللي غلب يعف.

88-*اللي غاب عليك أصلو شوف فعلو.

89-* اللي ما سمع راي كبيرو الهم تدبيرو.

90-* اللي جبر احسن من لعسل يلعقو.

91-*اللي صابها ليلو, ما عطاها لغيرو.

92-* اللي ضربتو إيدو ما يبكيش.

93-*اللي خلص دينو شبع .

94-* اللي تيركب لحصان كل الناس اتوسعلو لمكان.

95-* اللي ما جال ما عرف بحق الرجال.

96-* اللي ما جا لعندك لا تمشي عنده.

97-* اللي احفر شي حفرة كيطيح فيها.

98-* اللي بيتو ديال الزجاج, ما يضربش الناس بالحجر.

99-* اللي جا فوقتو ما كايتلام.

100-* اللي حب الحوت إي فزك سروالو.

101-* اللي عندو مغرفة ما تحرق يدو.

102-* اللي ما قدرت تكون نجمة في السما تكون شمعة في الدار.

103-* اللي خذ من غير قبيلتو كيتهرس من ركيبتو.

104-* اللي فيه الفز كيقفز.

105-* اللي بغى الحج يحاول على حمارو.

106-* اللي دار شي يدار ليه.

107-* اللي حرث الجمل دكو.

108-* اللي في النصلة يكرض البصلة.

109-* اللي ضراتو الضرسة, كا يقلب على الكلاب.

110-* اللي يتكلم بالحق يهرسولو راسو.

111-* اللي ماخرج من الذنيا ماخرج من عقيبها.

112-* اللي بـلـسـانـو مـا يـتـلـف.

113-* اللي تهلا في أولاد الناس يجيب الله من يتهلا في اولادو.

114-* اللي بغا يدير الخير يديرو في ركابيه.

115* اللي غش غش راسو.

115-* اللي ما موالف بالبخور يتحرقوا حوايجو.

116-* اللي ماجا مع العروس مايجيبوه حبابها.
117-* اللي صلى وقطع من جهنم مايطلع.

118-* اللي خلى حرف من السنة كيتسوط بيه.

[خادم المنتدى]

*-"إيلا تلفت شد الارض."
*-"إيلا ما قفلتِ لافورتِ."
*-"إيلا كبر ولدك خاويه."
*-"إيلا لحقت ودنك عضها."
*-"إيلا عينك فيه كولها ليه."
*-"إيلا عجبك حالك رد بالك."
*-"إيلا شافتها الغنم ما ترعى."
*-"إيلا حضر الما كيترفع التيمم."
*-"إيلا بلاك الله بالحديد شريه جديد."
*-"إيلا فلس التاجر كيولي سمسار."
*-"إيلا عييتِ أ لخماس هز الفاس."
*-"إيلا نزل القضا كيتعماو العينين."
*-"إيلا طلقتيها لا توريها دار اباها."
*-"إيلا ما قدكم احماد نزيدكم مُحماد."
*-"إيلا بغيتي اتوحش صاحبك سلفو."
*-"إيلا طاحت البقرة كايترو الجناوى."
*-"إيلا طاحت الصمعة علقوا الحجام."
*-"إيلا ارخص الشعير اغلات الحمير."
*-"إيلا لقى أحسن من العسل يلحسو."
*-"إيلا ما جابتو محبة ما تجيبو احزارة."
*-"إيلا بان المعنى فلا فائدة من التكرار."
*-"إيلا كان خوك عسل ما تلعقوش كلو."
*-"إيلا طارت حربة وإيلا لصقت مسمار."
*-"إيلا تقادو الكتاف كيولي الكبير يخاف."
*-"إيلا خنز اللحم ما كيرفدوه غير ماليه."
*-"إيلا شبعت الكرش كتقول للراس غني."
*-"إيلا حضروا الشياطين كيهربو الملائكة."
*-"إيلا حطيت عدوك حطو سطل بلا تقرقيب."
*-"إيلا ودن الظهور ما بق لمرا فين الدور."
*-"إيلا قلت ليك آسيدي،ما تبعنيش فالسوق."
*-"إيلا بغيت لخبار، تلقاه عند الحاجبة فالدار."
*-"إيلا كان الراجل واد كتكون المرا ساقية."
*-"إيلا نجاك الله من السبع ما طمع تصيدو."
*-"إيلا مني ومنك تنطبع وإيلا غير مني تنقطع."
*-"إيلا شفتي الحنش غليظ..عرفوا سارط خوه."
*-"إيلا من الله مرحبا وإيلا من العبد لا سماحة."
*-"إيلأ شفتيهم دورو علينا عرف حاجتهم فينا."
*-"ايلا شفت العزري عواج عرفوه بغا الزواج."
*-"إيلا كان القاضي خصيمك غير جمع رسومك."
*-"إيلا شفتيها بسعدها عرفها مكملا من عندها."
*-"إيلا شفتي موكة خطابة...عرف بلارج عريس."
*-"الصنعة إيلا ما غنات كتستر واقيلة كتزيد فلعمر."
*-"إيلا شفتني راضي عل لعدو عرف بلي بنتي عندو."
*-"إيلا شفتي جوج مفاهمين عرف الدرك على واحد."
*-"إيلا عاشرت عاشر المير وإيلا لبست لبس الحرير."
*-"إيلا شفتي جوج مفاهمين عرف واحد فيهوم صابر."
*-"إيلا شفتي النمل فالدروج..عرف العسل فالمصرية."
*-"إيلا شفتي المزلوط زربان، اعرف المرفح مسخرو."
*-"إيلا تكبر عليك شي عيفة قول ما كيتنفخ غير الجيفة."
*-"إيلا شفتى الدرية حادgــة عرف بلي امها معـgــازة."
*-"إيلا جات كتجرها سبيبة وإيلا مشات كتقطع السلاسل."
*-"إيلا شفت قشابت خوك فالسوق عرف قشابتك تابعاها."
*-"إيلا فاتك الطعام قل شبعت،وإيلا فاتك الكلام قل سمعت."
*-"إِيلاَ كَانـْتْ بْهِيمْتَكْ مَشَّايَة، لاَ تـْكَثـَّرْشْ عْلِيهَا مَن النـّـْغِيزْ."
*-"إيلا مات البو توسد الركبة،و إيلا ماتت الأم توسد العتبة."
*-"إيلا كان رزق الديب فالمكحلة يبيعها مولاها ويشريها غنم."
*-"إيلا عطاك العاطي ما تحرث ما تواطي حتى الجبال الطاطي."
*-"إيلا امشا الزين كيبقاو حروفه ويلا امشا المال كيبقاو خروقه."
*-"إيلا غرست العود يعطيك الغلة وايلا غرست بنادم يعطيك العلة."
*-"إيلا جا رمضان فالسمايم كيبان المسلم المزور من المسلم الدايم."
*-"إيلا درتيها ف الرجالة ترجاها......والى درتيها ف النسا لا تنساها ! !"
*-"إيلا كان على التفاح من يدينا فاح،و إيلا كان على الحبق من يدينا سبق."
*-"إيلا طاحْ راسك..هزُّو قبل ما يشتْفُوا عليه..وِيلا بقى طايح..قل للناس إيعزِّيوْكْ فيه."
*-"إيلا كان اباك لبصل او امك هي الثوم.. منين غادي تجيك الريحة الطيبة يا مشموم."

[خادم المنتدى]

1-لاديالي بقا ولا وجهي تنقى.
2-لاعين شافت لاقلب وجع.
3-لازين لا مجي بكري.
4-لادراع للخدمة لا وجه للسعاية.
5-لاراجل يطلق ولا حما يفلق.
6-لاحبيب الا حبيب الشدة.
7-لا ربح لاراس المال.
8-لا تامن لاتستامن فبلاد لامان.
9-لاديدي لاحب الملوك.
10-لا تشري حتى تقلب. (tglb )
11-لا تقولو عروس إن تركب.
12- لا تمشي ف الليل حتى يبان نهارو و لا تمشي ف الواد حتى يبانو حجارو و ما تصحب الصديق حتى تعرف اخبارو.
13-لا محبة إلى بعد العداوة.
14-لا تيق لا تيق.. لا فالعدو لا فالصديق.. خوك يديك حتى لوسط الطريق.. و يشبعك تصرفيق هذي تليق و هذي ما تليق..
15-لا تخمم لا تدبر لا تحمل الهم ديمة الفلك ما هو مسمر ولا الدنيا مقيمة.
16-لا مزيانة للمنظر لا خفيفة كتسخر.
17- لا تسرج حتى تلجم و عقد عقدة صحيحة, ولا تكلم حتى تخمم لا تعود عليك فضيحة.
18-لا أصل شريف, ولا وجه ظريف, و لا كلام خفيف.
19-لا تحكش على الضبرة حتى يسيل دمها.
20-لا خير في المرا اللي تجول ولا في الرجل اللي ما يجول.
21-لا تعبي المرا بدراهمها تعمل لك النفخة وتقول سقي الما.
22- لا زين إلا زين الفعال.
23-لا زين, لا مجي بكري.
24--لا دير خير ما يطرا باس.
25-لا تحرث المفلق، ولا تصاحب المقلق، ولا تزوج المطلق .
26-لا تقنط ولا تقول باش نعيش ،منين جا البيضة العظم والريش.
27-لا ديدي لا حب الملوك.
28-لاتضرب حتى تقرب ولاتحرث حتى تزرب ولاتصحب حتى تجرب.
29-لازربة على صلاح.
30-لاخير فيه بحال الديك تسمنو عام مايعشيكش ليلة.
31- لاتجاور خمار ولاتناسب قمار.
32-لاتحشي يديك فغيران مايعضوك لفاعي.
33-لاتشكر لاتذم اللي ما عاشرتو عام.
34-لاخبز لاايدام ويعرض على الجيران.
35-لاتسبقش العار راك تندم .العار كيكون تالي ولا بلاش احسن.
36-لا توريشي القرد كيف يخسر وجهو.
37-لاتكسب نطاحة ولاتزوج نواحة.
38- لا ديدي لا فانيدي.
39-لاهو مات ولاخلى الكفن يتباع.
40-لا ارحم ولا خلى رحمة ربي توصل.
41-لامشية الحمامة لامشية الغراب.
42-لا تقول عيشة تزوجات حتى تقطع الواد وينشفو رجليها.
43-لا تفيّق الحمق للضرب بالحجر.
44-لا تشمتي أ خدوجة،انا عورة وانت عروجة.
45-لاتمشطولي علىالgمل(القمل)*
46-لاتوصي يتيم على بكا.*
47-لايعجبك نوار الفلى فالواد داير ظلايل،لايعجبك زين طفلة حتى تشوف الفعايل.

48لا تأسفن على غدر الزمان فلطالما***رقصت على جثث الاسود كلاب
لاتحسبن برقصها تعلو على اسيادها***تبقى الاسود اسودا والكلاب كلاب

49-لاتنه عن خلق وتاتي مثله***عار عليك اذا فعلت عظيم
50-لاتضحك لتتبلى او ياتيك الله بالبلا.
51-لاشفناه ولا ريناه(ماسمعنا بهذا).*
52-لاتقول قطعت الواد حتى ينشفوا رجليك
53-لاتسلف من الحايرة دقيق راها ديرك طريق.
54-لا تنشرك مع نخالة ما ينقبوك دجاج.
55-لا تاخدش الهجالة ولو تكون بنت الخالة.
56-لاترجى خير فاللي يتكلم فأهلو.
57-لاتيق فالنار الى علات والمرا الىصلات والخيل الى ولات.*
58-لا تشار مرا ولا تدير بريها.*
59-لا تدير لخدمة اللي يقولولك الناس عليها حشومة .
60-لا خير في ود امرء متملق***إذا الريح مالت مال حيث تميل.


61-لاحمار لا ستة فرانك.
62-خسارة المال ولا خسارة الرجال.
63-لا تريكة زينة لاولاد ولا زريعة تنفع البلاد.
64-لا تفتش عالبلا راه كايجي بلا رقاص
65-الجديد ليه الجدة والبالي لا تفرط فيه .
66-لا سلام على طعام.
67- لا وجه زين لافم ساكت.
68-لا تضحك وتفرح حتى تسافر وترجع.
69-لا محبة إلا بعد عداوة.
70-لاريال لا موزونة.
71-لا تبكي على اباك أو امك الا ماتو ابكي على الظهر أو العصرمع اجماعة ايلا فاتو.

[خادم المنتدى]

امثال شعبية مغربية قحة

الأمثال المختصرة ذات الرنة
- حجة وحاجة
- عشاق ملال
- زرب تعطل
- بوه يشبه بوه
- ستة من ستين
- طاروا ولا لحكوه
- نارو على منقارو
- عش نهار تسمع خبار
- سيدي بسيادو
- اللي غلب يعف
- لاتعمل شاي لاتخاف شاي
الأمثال المطولة :
ـالحنة حرشة ,والماشطة عمشة .والعروس فيها بوهزهاز.
ـ مول الطاحونة ,والسانية ,ولمرا التانية حتى ليلة ما يبات هانية .
ـ قالت العودة :من نهار اللي ولدت ,ما كليت علفي وافي , ولا شربت مايا صافي .
ـ كيفتش على على جوا منجل , وطربوش لعجل ,وسروال الجمل .
ـ مشات عيشة تجيب القزبر ,جات حبلا من سبع شهور ,لو كان ما خافت من الطلاق , كون بقات حتى يخلاق .
ـ اطلع تاكل الكرموس , اهبط شكون قالها لك .
أمثال في الأخلاق الحسنة والسلوك الحسن.
ـ سير بالنية وارقد مع الحية .
ـ مني ومنك ينطبع , ومن واحد وحدو ينقطع
ـ سعداتك يا فاعل الخير .
ـ الحرة إلىصبرت دارها عمرت .
ـ لمعايرة في لوجه صابون , وفي الظهر طاعون .
ـ أنت مير وأنامير , الله يجيب اللي يصوك هذ لحمير
ـ الكرش غرارة ورباطها عقل .
ـ اضربني وابكا,واسبقني وشكا .
ـ لعوين مع النصارى ولا لكلاس خسارة .
ـ اللي عمل راسو في النخالة ينقبو الدجاج .
ـ اللي غاب عليك أصلو شوف فعلو .
ـ ايمارت الدار على بابها.
ـ ريح ساعة يخلي كاعة .
ـ الزين في الدفلة ,والدفلة حارة .
ـ اخنيفيسة تونس ,خير من غزالة تهوس .
ـ من لاخير في لسانو لاخير فمكانو .


أمثال لتهذيب الأطفال:
ـ الي ما سمع راي كبيرو الهم تدبيرو .
ـ الفكوسة من الصغر كتعواج .
ـ كيفصل الزناقي ويخيط الدروبه .
ـ اربط حمارك مع لحمير , يتعلم الشهيق والنهيق وخرجان الطريق .
ـ نهيه , انهيه ويلا عما , سير وخليه .
ـ مع من شفتك مع من شبهتك .
أمثال حول الذكاء والوعي .
ـ كن اسبع وكلني ,ولاتكنشي ذيب تشوهني .
ـ أميات تخميمة وتخميمة ولا ضربة بمقص.
ـ قليل مداوم خير من كثير ومقطوع .
ـ اللي جبر احسن من لعسل يلعقو .
ـ النفس نفس سلطان ,والحالة حالة مسكين ,
ـ السلطان بالتاج ويحتاج .
أمثال تلازم الحياة اليومية .
ـ اللي صابها ليلو, ما عطاها لغيرو .
ـ لمحبة الزربانة مفر قة في نهار .
ـ دهن راسو بلعسل وخشاه في غار النمل .
ـ منين لحقت عليك أوجهي خبشوك لقطوط .
ـ داري, يسترت عواري .
ـ آحاح على غدا اما اليوم عدا .
ـ لاتشكر لاتذم, حتى تجرب عام ;
ـ ايلا كان حبيبك عسل ,لاتلعقوش كلو .
ـ اللي ضربتو إيدو ما يبكيش .
ـ قالت أم لعروسة لبنتها كاع بكاو ومشاو .أبنيتي.
ـ حبني محبة خوك وحاسبني حساب عدوك .
ـ اللي دركك بخيط دركو بحيط .
أمثال تتعلق بالصحة والنفس .
ـ تغدا وتمدا وتعشا وتمشا .
ـ النواض بكري بالذهب مشري .
ـ الضر بالقنطار والراحة على راس ليبرا .
ـ باعد من لبلا ليبليك .
ـ سال لمجرب لاتسال الطبيب .
ـ لاعين شافت لاقلب وجع .
ـ العين اللي تموت شبعها شوف .
ـ القلب لمغير لوجه يعطيك خبا رو .
ـ الهذرا بين جوج وثالث خلاط .



ـ أمثال في التعامل مع المال وصرفه .
ـ اللي ترهنو بيعو .واللي تخدمو طيعو.
ـ اللي خلص دينو شبع .
ـ على قد فراشك مد رجليك.
ـ قلت الشي تترشي .
ـ بحال الكسكاس ملي تيقوى رزقو كيغمضو عينيه .
ـ عند رخصو خلا نصو .
ـ ضربو لحلقو ينسى اللي خلقو .
ـ الله يرحم من مات وخلا الميدة عامرة فتات .
ـ الحر حر والصنعة ماتضر .
ـ هود مساري واطلع شاري .
ـ الضحك تيفسخ البيع .
ـ بالنقطة تيحمل الواد .
ـ الى شفتي المزلوط غادي زربان عرف مول لفلوس مسخرو.
ـ اللي ما عند و فلوس دييو مسوس , وكلاسو بين الناس خسارة .
ـ زوق تبيــــــــــــــــــــــع .
أمثال توجيهية وتربوية .
ـ الله يجيب اللي يحسن بنا ,يعطينا بنتو , ويخدم علينا.
ـ الخادم تتعنا بنهود لالاها .
ـ هذي من لغرايب , لمرا مكحلة وراجل غايب .
ـ شكون شافو ليك يالمسوكة بالليل , ومكحلة عند القنديل .
ـ قلب القدرة على فمها ,البنت تشبه لمها .
ـ للا مليحة وزادتها الترويحة .
ـ للا زينة , وزادها الحمام .
ـ داقو سعيد , وجبرو لذيذ واحلف حتى يزيد .
ـ بحال مهراز دار الدباغ دك أنت دك أنا.
ـ مريقت جــــــــــارتي تتعجبني .
أمثال تدل على المشاعير والإحساس .
ـ عينيك ميزانـــــــــــــك .
ـ العارف شفتو كفاتو .
ـ الحرة بالغمزة والعبد بالدبزة .
ـ كيفيق بالندا إلي طاح .
ـ جوعي في كرشي وعنايتي في راسي .
ـ الحجرة من ايد لحبيب تفاحة .
ـ على وجه لكتاب تتباس الجلدة .
ـ اللي فاتك بليلة فاتك بحيلة .
ـ الزيزون ماتتفهمو غير مو .
ـ ايلا فاتك لكلام, قل سمعت ويلا فاتك الطعام, قل شبعت
ـ مايبكلك غير شفرك وما يحكلك غير ظفرك .
ـ طاح الحك في الما واجبر غطاه تم .

أمثال تخص العلاقات الإ جتماعية .
ـ كل مع خييك واحض من خييك ,لا يدي لك لحويك .
ـ خوك في الصنعة عـــــــدوك .
ـ لاتعمل خير ما ترى باس .

أمثال جديدة تيسرت لنا بإذن الله .
ـ معمشة وتتماشى اولا مكحلة وتلاشى .
ـ زوينة وغزالة وتتزوج من والى .
ـ زيد كوش على كوش اولا نعيط على بوش .
ـ الكرموس الهندي نوضك من عندي .
ـ جبانية رفيسة اولا تبنديق اولاد عيسى .
ـ كن مالذهم مانكدم مانزضم .
ـ باش تمسح المزلوطة إلي توسخت ليها الفوطة .
ـ إلي ترفحتي وحلات ليك لكليسة تهلى في لكصيصة .
ـ كل الشحيما وخلي لحيما .
ـ شبعها وخليها هايمة حتى تلقى الدايمة .
ـ كن ما السمسار ماتباع الدار .
ـ كن ما لكريدي مانمد أيدي .
ـ كن ماالبنكة مانطيح في العركة .
ـ الى بغيتها أتوالى لاتصاحب من والى .
ـ ملي سلا وارتاح عاد عجبو غربي لمراح .

[خادم المنتدى]

آش بيني أو بين شمس تحرقني ما تدفيني؟
آش خاصك أ الشارف؟خاصني البنت مولات السوالف.؟
آش قضينا بالعينين ايلا كان المخ اعمى؟
آش خصك العريان الخواتم امولاي؟
آش داك لعراس يا منتوفت الراس؟
آش خاصك آ العبد النكدة يا مولاي؟
آش تدير بلغة فدوّار كُولّوا حَفيانِين؟
آش عند العافية ما تعطي غير صهد النار.؟
آش فالبرطال مايتقدد؟
آش قضاو حسادك ايلا كانوا كثار ؟أما الرزق ضامنو العزيز الجبار.؟
آش عند الميت ما يدير قدام غسالو؟
آش تقضي القرصة فالجمل؟
آش ادّاك لرحبة الكباش يا اللي ماعندكش باش؟
آش عند الموت ما يدّي من الدار الخالية؟
آش تحضي فاللي يحضيك؟
آش اصَبّر ليتيم على بكاه؟
آش ادَّانِي حتى نمشط للقرع راسو؟
آش عند المقص ما يدي من الدص؟
آش عندك الموت ما تدي من الديور الخالية؟
أش قضينا بالزين الى كان العقل والو؟
أش عند القرعة ما ترعى غير خيوط راسها؟
آش جاب شي لشي واش جاب حمو لعلي؟
السارق عرف آش سرق ومول الدار عرف آش مشى لو؟
آش وجّدتي لغدّا أما اليوم فات؟
أنا نشكي ليه بالعكر,و هو يقولي: آش اخبار الدراري؟
آش فينا بلاشي,؟ عساك بالتواشي.