:: مراقب عام ::
تاريخ التسجيل: 5 - 1 - 2014
السكن: المغرب الحبيب .
المشاركات: 10,895
|
نشاط [ الشريف السلاوي ]
معدل تقييم المستوى:
1268
|
|
22-03-2015, 07:51
المشاركة 8
كل ربيع و أنتم بألف خير
بالمناسبة أهديكم جميعا سرّابة قصيدة الملحون " فصل الربيع "
( السّرابة : مقدمة القصيدة )
سرابة فصل الربيع
أسيدي فصل الربيع قبل والوقت زيان/ علامة الخير للورا بانو
جاد الزمان وضحك تغر السلوان / النكد تفاجا وزالت حزانو
بطايح الزهر على كل الوان / تسبي من راها بشوفت عيانو
... والارض زي حرية من رضوان/ معاها صاب السرور سلوانو
نحكي عريس وعروسة فالاوان /لبست من توب الدباج حيجانو
صبحات بارزة فكساوي حسن / دام الله جمالها و حسانو
مهما نضرت بعياني/ فكمال زينها ومحاسنها باح كل مكنون
طبعي من الصبا فاني/ وقت الربيع توجدني ما بين الحراج مشطون
ننشي لفاض و معاني/ وهل الهوا يعرفوني ماهر من صحاب الفنون
واليوم هزني مولاي الغيوان / ونطق سلطان الربيع ب لسانو
ادوا وقالي عول يا انسان/ تقطف ورد رياضنا وسوسانو
شوف الرياض فاح و زهرت الغصان /كل غصن يهجي بريحت فنانو
وطيار ناطقة فدواح البستان/ كل عشيق فشى سرار كتمانو
وانا علاش مانزها يا حسان / يامن حبك فالسيار غيوانو
انا فعار داك الخد المزيان / غدرلي من راحنا و كيسانو
مهما رشفت كيساني / من يد من هويت وقلتلها هاكذا المضنون
نتي كمال سلواني/ وعلى مجيك حلة البشارة يا سراج العيون
بين الوتار والغاني/ والعود والرباب و كنو كامنجا وقانون
نزهاو في بساط العدرا/ ما بين الحراج الخضرا / في ساعة الرضا و سرور
نشاهد الشقيق و جمرة / والورد مير بين الوزرة / والقيقلان والخابور
و نقول يا غزالي زهرة /مصاب في جمالك نضرة/ والكاس بالرحيق يدور
يهنا الساكن المضرور / يهنا الساكن المضرور
ناسيك يا ريم العدرا /سماوك الغزالة زهرة /و انا يا صبيغ الضفرة سميتك الغزال .زهور
|
المواضيع المتشابهه
