سعد السعود
سيدي سعد السعود
بالفرحة ديما موعود
فكل مكان تجبرو موجود
و طموحو ما ليه حدود
فخدمتو نعرفو متفوق
للقدام تشوفو مشوق
ما يتعلق فين يتفلق
وإلى كال يعرف يدوق
الزين والقلدة تحسبو راجل
كلامو مسوس طعمو باسل
عند راسو وحدو العاقل
منشار يطلع و ينزل واكل
طبسيل المدير ملحوس
وللسبابط يعنق ويبوس
من زمان وهو فركوس
ما يحسبها غير فلوس
وانا يا سيادي السي الغريب
الراس أبيض غزاه الشيب
ما فادني لا بكا ولا نحيب
مزلوط ولا صولدي فالجيب
سعد السعود ديما يكبار
والغريب صغير وزاد صغار
فالدنيا مهموم عايش محتار
ومادركها غير وريث ولا ****
عيقو وفيقو يا الخوت
سبسبوت اللي طاح يموت
نوضو لا يفوت الفوت
وسبسبوت اللي طـــــــــــــــــــــــــــــــــاح يموت
سعد السعود
المواضيع المتشابهه
