المواقف المحرجة سواء كنت انت بطلها او شخص اخر

[ليلى81]

بسم الله الرحمن الرحيم

اللهم صل على محمد وال محمد

السلام عليكم ورحمة الله وبركاته
عموما دائما ماتحدث لنا او لغيرنا و في بعض الاحيان لاناس لا نعرفهم مواقف محرجة
وتكون محرجة فى لحظتها ولكن تكون مسلية عندما نتذكرها .

فما هو أطرف موقف تعرضت له أو سمعت عنه؟؟

[ليلى81]

نعاودلكم واحد القصة واحد بنت العائلة تزوجت وخوها قالهم والو غي انا اللي نهز معاهم العمارية هي هاديك دخلت العروسة للعمارية وبقاو هادوك اللي هازين كيشطحو بيها تاقنين خدمتهم ومولفين الهزان فواحد اللقطة هوما رجعو بيها اللو وهو تفلتلو من الكتف العمارية وتتكركب اختو فالارض هههههههه شوهة واشمن شوهة واتجامعو عليها جمعوها من الارض وفوتوها ديركت لبتها كمدت جنابها ههههه
اما خوها خوا الدار عياو ميقلبو والو سلت سلتا ديال الصح.
واتسجلت اللقطة فالكاسيط ديال العرس لحد الان اللي شافها كيسخف بالضحك.

[ليلى81]

واحد الاخت كتعاود على موقف غش في امتحان:

كان عندي فرض فالفيزياء والكيمياء ومامراجعة والو ...ايوا يالالا وانا نقول لواحد البنت صاحبتي انا نعطيك الكيمياء وانت عطيني الفيزياء قالت لي ولا عليك صافي ..ضمن بعدا الفزياء ههههههههههه

وانا نمشي نقلب على اللي مراجع الكيمياء ولقيت واحد الولد وتافقت معاه نعطيه الفيزياء وهو يعيطيني الكمياء ..تلفتوا ياك ماعليش

ايوا دخلنا القسم كلست البنت قدامي والولد ورايا ..البنت اللي كتبتها ترميها ليا وانا نكتب ونعطي للي ورايا ومسكين تاهو يخرج ويعطيني ونكتب ونعطي للقدامي حتى سالينا هههههههههههههه..سالينا احنا الاولين..وخرجنا وبدينا نتناقشوا فالاجوبة البنت كتقوليه خرج ليا كدا وكيقول ليها الولد ياه حتى انا ههههههههههه وانا ميتة بالضحك مشيت فحالي وخليتهم ..ونهار بغا يعطينا الاستاد الاوراق لقا انهم مناقلين وانا لا حيت بدلت شوية فالاجوبة والطريقة ههههههههههههههه ..ولكن الحمدلله ماقال والو وبقاو هما كيتعجبوا ..وصدقت انا جايبة معدلي فالفرض هههههههههههه

ياااااااااربي تسمح ليا كانت اول مرة واخر مرة

[ليلى81]

شنو زعمة حتا واحد معمر حصلو شي موقف طريف او سمع به؟؟

[ليلى81]

شنو زعمة حتا واحد معمر حصلو شي موقف طريف او سمع به؟؟