الأمثال المغربية
السلام عليكم و رحمة الله و بركاته
هذه الأمثال سبق أن وضعتها خطأ في مكان آخر.
وجها(وجه) فيه شقة فصّل و يبقى.
* سارق و بالعدلة كيدرب الباب بالركلة.
* يلا غاب الوجه ما كيبقى للقفى حرمة.
* انا بلقمة لفمو و هو بالعود لعينية.
*فلوسو كيغسلو كفوسو.
* القرع بفلوسو ارى داكْ الراس نبوسو.
* ادفع ما في الجيب يجيب الله ما في الغيب.
* اللي ما عندو فلوس كلامو مسوس.
* اللي ما عندو فلوس ديو مسوس و جلاسو بين الناس خسارة
* غرزة زايدة فيا و هم لعرى فايت فيا.
* الصنعة يلا ما غنات كتستر واقلة كتزيد فلعمر.
* اتبع صنعة بوك ليغلبوك.
* السفيه ما كينطق غير بلي فيه.
* وْدَن صمّة و الاخرى فيها الماء.
* اللي ما شاف من عين الغربال اعمى.
* حتى كينعسو الطيور عاد كتقوم الهَامَة دور.
* اللي ما جاب لا قلام وَ لا دواية ما عَوَّل عْلاَ قراية.
* حتى تطيح الشتى يا قَرْمَانْ عاد يصبّن حْوَايْجُو حَمّان.
•الحسد حتى عْلاَ لقروعة.
* حسدو العمى علاَ عكازو.
* عاند ولا تحسد
حَيِّدْ لُو كان وَارَى مَا كَانْ.
* الَبْكَا منْ وْرَا الميت اخسارة.
* مْحِي لي المكتوب وانا انْتُوب.
* اللّي فاتْ مات
* حالْتي حالت النّافَخ الْعَافْيَا على قلبو و الطِيقَانْ فْجَنْبُو.
*ملِي تَنْحْتاجك يا وجهي كيخبشوك لمْشَاشْ.
* جيت نبيع لحنة كترو الاحزان.
* عَلْتايْن يا قلبي الشتا و برد الليل.
* حبوبت وجهي حُكِيتْها سال دمها خليتها طال هَمْها.
* الجوع و النوع و البكا بلا دموع.
*المنحوس منحوس و لو على راسو فانوس
* عمرو ما احبى وملي احبى طاح فلبير ( فَالزَرْبَة)
* كلشي درتو ليك جديد و السعد ما صبت فيه ما انزيد.
* لاَيْنْ يا الْهَمْ لاَيْنْ ؟ لْدَارْ بَاحْسَايْن.
* رضينا بالهم والهم ما رضا بينا درناه عند راسنا صبح عند رجلينا.
* الحَنّة حَرْشَة و النّقَاشَة عَمْشَة و العروسة فيها بُو تَفْتَافْ.
* دِيرْها فالرجال وترجّاها و ديرها فالنسا و لا تنساها.
* ما يعْجَبها لاَ لَعْجَبْ ولا الصْيَام فْرْجَبْ.
* ما مزيانة ما جابتْ في إِدِهَا ما ناضَتْ بَكْري.
* سيدي حادَقْ أو لاَلاَ احْدَقْ مَنُو ، سيدي احسابو القَدِيدْ أو لاَلاَ كتَقْطَعْ مَنّو
*عز الخيل مرابطها.
* اللي تيركب لحصان كل الناس اتوَسْعْ ليه لَمْكان.
* جغمة من البحر و لا اجميل الكرابة.
* العز والنصر والسُكْنَة فلقصر.
* الموت بالرْدَمْ ولا مْعَاشَرْت لَخْدم.
*دهن شواربك بالسمن و دوز على عدوك مصبن
إنتظروا المزيد إن شاء الله
الأمثال المغربية
المواضيع المتشابهه
