شباكية هشيشة - منتديات دفاتر التربوية التعليمية المغربية

EducApps · 05-09-2008, 13:26

الســلام عليكم رمضان مبارك

كي دايرين مع سيدنا رمضان ؟؟

اليـــوم تلاكيت ليكوم شباكيـــة زوينة وهشيشة كنتمنى

تعجبكم وتجربوها

المقـــــــــاديــر:

1 كلغ ديال الطحين

2 بيضات

1كاس ديال الجنجلان محمر ومطحون

2 معالق ديال النافع محمر ومطحون مزيان

1 كاس ديال الخل

2 كيسان ديال الزهر

3 كيسان ديال الزيت

1 كاس ديال الماء

شويــة ديال الملحة

1 خميرة الزا

شوية ديال الخرقوم باش يعطيها اللون

2 معالق كبار ديال القرفة

الطريقـــة:

في قصعة كنديرو الطحين مع الزنجلان والنافع والقرفة و الزيت ونرملوهم حتى يتخلطو مزيان

كناخذوا اناء كنديرو فيه ماء الزهر والخل والخرقوم والخميرة والملحة والماء ونخلطوهم مزيان ونضيفوهم على الخليط ديال الطحين ونعجنوهم مزيـــان

نقسموها على كويرات كبار ونديروها في ميكات ونخليوها ترتاح ثم نبداو نطلقوها ندوزوها في المكينة ديال سباكيتي ونقطعوها ونشكلوها كيما العادة ونخليكم مع الصور

ط§ط¶ط؛ط· ط¹ظ„ظ‰ ط§ظ„طµظˆط±ط© ظ„ط±ط¤ظٹطھظ‡ط§ ط¨ط§ظ„طط¬ظ… ط§ظ„ط·ط¨ظٹط¹ظٹ

ملي كنشكلوها كنقليوها في الزيت وملي كتحمر كندوزوها في العسل وهذه صور الشباكية ملي طابت

غزال كلميم · 27-09-2008, 10:45

باينة واش زوينة
تبارك الله عليك ا الحادكة ديالنا