الغبي ...والشيخ.

[جيجي امين]

واحد الغبي كره حياتو وغباؤو مشى لواحد الحافة عالية وبغى يرمي راسو شافو واحد الرجل طيب وجرى عندو قبطو وقاليه :علاش اولدي باغي تنتحر لا دنيا لا اخرة مالك؟؟؟قاليه اعمي انا غبي ماكانفهم والو موتي احسن من حياتي معذب و معذب الناس معايا.جاوبو الشيخ قاليه:اولدي كيف قسم الله سبحانه و وتعالى الارزاق قسم الذكاء فهو نسبي حتى انت عطاك حقك واخا قليل المهم راه عندك النسبة ديالك بحالك بحال الناس .ها انت غادي نعطيك تجربة:شي حاجة مدورة وبيضا وفداخلها شي حاجة صفرا كنسلقوها او كنقليوها وكناكلوها؟؟؟طول الغبي في التفكير وقاليه والو خاليني نرمي راسي قلت ليك ما مني فايدة.قاليه الشيخ :ماعليش هاديك البيضة دابا غير فكر معايا مزيان وغادي تعرف :دابا جوج حاجات بيضين ومذورين ووسطهوم اصفر وكنسلقوهوم وناكلوهوم؟؟؟والو ما عرفش .قاليه هادوك جوج بيضات اولدي.دابا واحد الحيوان زوين ولطيف كيدخل تحت الطابلة وكيقول مياااااو؟؟؟قاليه صافي عرفت الجواب وفرح الشيخ وقاليه شفتي قلت ليك ماكاينش علاش تنتحر راه انت ذكي وماعارفش راسك ياللا شنو هو الجواب ؟؟قاليه ثلاثة ديال البيضاااااااااااات.
وهو يقوليه الشيخ تلاح ولا نلوح امك.
طويلة ولكن زوينة لا؟؟؟
يارب تعجبكوم....تحيااااااااااتي .

[عمر الشرقاوي]

حسنا ما فعل الشيخ وإلاكنت سألقي به بنفسي ،لأنه فقصني.
شكرا على النكتة الطريفة.
مزيدا من التألق

[جيجي امين]

اقتباس المشاركة الأصلية كتبت بواسطة عمر الشرقاوي حسنا ما فعل الشيخ وإلاكنت سألقي به بنفسي ،لأنه فقصني. شكرا على النكتة الطريفة. مزيدا من التألق

والله انت اللي ضحكتيني اكثر ماشي النكتة.شكرا على روحك المرحة و الرد الطيب والله يجازيك الف خير.

[ilym]

ههههههههه مشكورة اختي

[**وفية دفاتر**]

ايوا راه بالسيف مسكين
هههه شكرا على المساهمة الطريفة