:: مراقبة عامة ::
تاريخ التسجيل: 19 - 10 - 2013
المشاركات: 12,032
|
نشاط [ nadiazou ]
معدل تقييم المستوى:
1386
|
|
06-06-2014, 22:02
المشاركة 55
الهضرة للسارية و المعنى للجارية.
· قلب البرمة على فمها, تطلع البنت لمها.
· الله يرحم من زار و خفف.
· الي وصل بلاد غير بلادو خل الهم لولادو.
· كون كان الخوخ تايداوي كون داوى راسو.
· الفقيه دحمان, قرا البرة سبع ايام, و قاليهم الخط عيان.
· الحر بالغمزة و العبد بالدبزة.
· ضربني و بكى, سبقني و شكى.
· الدجاجة غسلات رجليها نسات ماداز عليها.
· إلى مشى الزين ابقاو حروفو.
· اللي دارها بديه افكها بسنيه.
· الا ماقدو الفيل, زيدوه فيلة.
· ما تيحس بالمزود غير اللي مضروب به.
· لا ديالي بقا ولا وجهي تنقى.
· جا ايعاونو فقبر باه, هرب لو بالفاس.
· شوف بيتو, وخطب بنتو.
· اللي بغا يدفع البلا يتوضأ للصلا.
· هاك و ارا, ما فيها حزارة.
· ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.
..
· اللي قال ليك العرس ساهل يسقي لو غير الما.
· حتى كلب ما تيهرب من دار العرس.
· مي, أجي نوريك دار خوالي.
· اللي خلى غذاتو لعشاتو, ما شفع ذاتو.
· الناس في الناس والقرع في مشيط الراس.
· إلى عطاك العاطي, ما تحرث ما تواطي حتى الجبال الطاطي.
· طاحت الصمعة, علقو الحجام.
· انا في همو كندادي وهو فتقلاع وتادي.
· عيبك أولية ربيه ليا.
· وريه وريه, و الى عما سير و خليه.
· اللي بغى لعسل يصبر لقريص النحل.
· السفيه تينطق غير باللي فيه.
· اللي عضو الحنش, تيخاف من الحبل.
· النمل الى بغى يعذبو الله, تيدير ليه الجناح.
· اللي جا على المناول سدة, و اللي جا على الغذا تغذى.
· فالمقلة و تيحنزز.
· المندبة كبيرة و الميت فار.
· الدار دار بونا, وعبيد بانا اطردونا.
· اللي قال العصيدة باردة, ادير يدو فيها.
· مكلسني كلسة خوك و حاسبني حساب عدوك.
· عيات أم الحمق ما تعض فشاربها, قاليها من جهتي غير قطعيه.
· لالا زينة و زادها نور الحمام.
· تيبيع القرد و تيضحك على اللي شراه.
· ما حد ليتيمة تتبكي, و ربي تيزيدها.
· اللي بغى الزين, يصبر لتقيب لودنين.
· ما عند القرعة ما ترعى من غير مشيط راسها.
· كون نصحابها تكتاب, ما نفوت الباب.
· عطاونا ثلث كواش, منهم غطا و فواش.
· الشوف ما يبرد الجوف, والناقة ما ترضع الخروف.
· الحرفة الى ما غنات تستر, أو واقيلا تزيد فالعمر.
· اللي ما تيخيط كساتو, يطيب غذاتو, يحلب شاتو عزيه فحياتو.
· المعروض فنهارو, يبقى فدارو.
· الهضرة عليك أ لحادر عينيك.
· إلى مات البو توسد الركبة, الى ماتت الأم توسد العتبة.
· إلى طلقتي المرا, ما توريها دار باها.
· الطلاب يطلب و مرتو تصدق.
· العمى و العميات و ظفار الجنيات, الأولى تصوت, و الثانية تلوط, و الثالثة تضرب البوط.
· لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.
· الزين بحروفو؛ ديه لمو تشوفو, القرع بفلوسو؛ أرا داك الراس نبوسو.
· حماتي لالتي و بنتها مولاتي.
· حماتي و جه الدلو, هي حارة و ولدها حلو.
· كثرة عطيني ما تخلي حد يبغيني.
· دخل ياكل الفريك أصبح معانا شريك..
· اخدم يا صغري على كبري..
· اخدم بكري ولا روح تكري.
· خبز الدار ياكلو البراني.
· دخلناهم يشربوا الرايب قالوا حقنا فالزرايب.
· دوام الحال من المحال.
· الدنيا دراعة كل واحد كيلبسها ساعة.
· الزين, الا زين الفعال.
· اللي مدت يدها للحنة, تمدها كلها.
· امدح صاحبك مع الناس, و لومو الراس فالراس.
· لو كان الصفيحة ترد العار, لو كانت رداتو على الحمار.
· كون أزماني حرش, و ها وجهي بوس و طرش.
· تفكر حبيبك و هواه, تفكر فعايلو و نساه.
· العشق المزروب, كله عيوب.
· ما كينسي البنت في امها غير همها.
· حل عينيك قبل الزواج, أما بعدو غير غمضهوم.
· الهم المنحوس, خليتو فدار با لقيتو فدار العروس.
· اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ.
· دِيرْ عِينْ شَافَتْ وَعِينْ مَا شِافْتْ.
· اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ.
· أش خاصك العريان الخواتم آمولاي.
· الشطابا أعروسا والجفاف أنفيسة.
· ما نعطيوش خيرنا لغيرنا.
· زواج ليلة تدبيره عام.
· تا تطلب الزيت من السفناج.
· الفقيه اللي نتسناو براكته ادخل للجامع ببلغته.
· اربط احمارك مع الحمير، يتعلم الشهيق والنهيق وخرجان الطريق.
· إيلا ارخص الشعير اغلات الحمير.
· الحمار مخبي ووذنيه برّا.
· اجيو تعلمو الحسانه في روس اليتامه.
· طاجين الشمايت، النصبا وقلة ليدام.
· اللي ضرقك بخيط ضرقو بحيط.
· اللي اطيبو المعفونة ياكلو رجلها.
· الي دار راسوا في النخالة ينقبوه الدجاج.
· مبعيدة غير تادلة اما سبع حمير واجدة.
· لي ضروا رسوا, اعاود لرسوا.
· الكلب الى ما نبح ماعند مولاه فيه ربح.
· حزموني ورزموني ولا تعولو عليا.
· الى تقادو لكتاف يعود الكبير يخاف.
· اللي تيشطح ما تيغطيش وجهو.
اللهم النعاس في الخلا ولا ضيافة البخلا, اللهم النعاس في البرد ولا ضيافة القرد.
كل قرد في عين مو غزال.
الرجل بالهمة أما اللحية راها حتى عند العتروس.
أتمنى أن تنال اعجابكم وشكرا على انتقاء الموضوع
|
المواضيع المتشابهه
