قلبي مكــْلومْ
راه ْقـلبي مكلومْ بْـحَـرّ الدنـــــيا مــكروبْ
مشى المعقول اليوم ْ أجا مْـكـانُ الكــذوبْ
نـْسا وارجالْ تـخـلطوا ،وْ كـلشي مـقـلوبْ
كـْثــرْ الخصام ْأجْـفـّاتْ مالمْحـنــّه القـلوبْ
الحق بيـنـّا متروكْ ..ألشـرّ خـِيــلُ مركوبْ
الحق ماليه ْشْروقْ أ ُلضّـيمْ ماليهْ غـْروبْ
الحــق حسابُ مغـْبونْ ، وغربالُ مثـقـوبْ
النّـْـفـاقْ عْلامُ مرفوع ْ،واحْــكــام ُمرهوبْ
البا طـلْ مْـكـَشّـرْ نيابُ وْكا سُوا مشْـروبْ
إشرْبـوه ْالنـتاسْ، وِِِِيـقـولوا هـذا مكـْـتوبْ
راهْ قلـبي مكلـوم ْ،بْـحــٓرّ ْالدنـيا مـكـروبْ
هـذا زمـانْ الطـغـيانْ ألـفـسـادْ أ ُلحـْـروبْ
ما بقاتْ حشْمَه الواحدْ معـْيابْ أٔمَعـْيـوبْ
هْــنا مسكين حـالُ احـْوالْ ِديـــمَ مغـْـلوبْ
غْلاتْ اللقمَه بزﱠافْ والخـيرْ كـلّ منْهوبْ
أهناكْ شـفـّـارْحالُ مَسْرارْ دِ يمَ محـْـبوبْ
بْحـَرّ الدنيا، قلبي خْلا ني دَ با مـجـذ وبْ
بْنادم ْ عـقـلُ مشْـطونْ أ ُلـسانُ مسْـلـوبْ
وبنادمْ اليومْ حالُ مرتـابْ ديـمَ مــزْروبْ
رجْـعاتْ السْبُولـَ بَـغـْـشى ما فـيهْ حـْبوبْ
راه ْعـمرْ بنـادمْ عــند الله ْكُــلّ مَحْسـوبْ
أ ُيـُومْ الحسابْ جـايْ ، بهْـوالُ مرْعــوبْ
نـفكـرْ فىْ يـومْ العـــذابْ لِـما ليهْ هـروبْ
رْجايَ فـاللهْ ،ما نكـونْ عـليﱠ مـغـضوبْ
إغفرْلي وما نكــونْ منْ ظـــلّ مشْطــوبْ
زايد التجاني / بومية