|
||||||
|
|
أدوات الموضوع |
|
||||||
اكثر من 60 نكتة لعشاق النكتة المغربية.. اوا تبرعو
    كاليك هدا واحد التلميد دالر الاستاد الشغب او كاليه جيب باك هو اكوليه ماكينش نجيب ليك صورته. **هدا واحد البخيل قل ليه ولدو :ابا عطيني 5 دراهم ندرب دويرة انا و صاحبي. قل ليه باه: هاك ها درهم و سير نيشان . ================= هادو 2 دراري تعطلو على المدرسة ,و قال ليهم المعلم : علاش تعطلتو ؟ قال ليه واحد راه طاحت ليا 10 دراهم , و هو يقول ل تاني: و نتا مالك قال ليه: راه كنت داير رجلي عليها . ================= قال لك هدا وحد غبي قال يا رب ندير يدي في جيبي نلقى 20 درهم مني قلب جيبو لقاه متقوب و هو يرجع يقلب لتكون طاحت ================= هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس جا واحد النهار البقال طلع ليه الدم و قال مع راسو و الله اليوم ما نخاف منه و اللي بغا يكون يكون . ايوا جا عنده ديك الراجل و قال له عطيني كوكا ولا ...؟ جا البقال رد عليه :ولا شنو ؟؟؟؟ رد عليه الراجل و قال له: ولا فانتا . ================= واحد الراجل مشا عند البقال و قاله اعطيني بوطاغاز جاالبقال قاله و الخاوي ؟؟؟ رد عليه :غدي نشربها هنا. هذا واحد مول الطاكسي مبوق مزيان غادي فالمدينة او هي تشير عليه واحد المراا هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش ================= دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع ================= سقرام (بخيل) شرا خبرة..شفرها ليه شمكار(مشرد) تبعو... مني شاف انو مشا عليه.. قال ليه سير صدقة ورحمة الوالدين ================= هذا وحد الرجل بغا ينتحر أو مشى لواحد المقهى في إسبانياو كان باغي ينتحر او هادوك لي لتحت جابولولو لفلوس و قالولو متنتحرش و واحد المرة بغا يدير هكاك حتى في المغرب و قالو وحد الرجل لتحت طيح طيح نشوفوك كي غادي الدير ================= +هدا واحد الدري مشى عند درية أ سولها أشنو سميتك قالت ليه fati fleur (فاطمة الزهراء) قالت ليه أ انت قال ليها le pere de vendredi (بوجمعة ) ================= هدا وحد السبيطار ديال الحماق ديما إاى جا الطبيب فاصباح كايلقا شي حماق فواحد البيت مضروبين كولهوم فجبها ديالهوم إلا 1 واحد المرة دارو ليهوم الكاميرا ملّي جاو الغد ليه خدمو لكاسيطا ل تسجلات لقو هاداك لي مامضروب كيرسم ليهوم 1 الخط فالأرض أو كايقول ليهوم لي داز تحت هاد الخط نعطيه 200درهم \/\/\/\/\/\/\/\/\/\/\/ مشا عروبي عند صيدلي و قال له "عندك نعناع" قاليه الصيدلي "لا" رجع بعد ساعة سولوعندك نعناع قال ليه الصيدلي "لا هذه فرماسيان ماتبييعش النعناع" رجع مرة ثالثة و رابعة و ديما يسول عن النعناع....مشى الصيدلي و اشرى نعناع من السوق و ملي رجع العروبي يسول على النعناع مرة أخرى قال ليه "عندك نعناع" قال ليه الصيدلي "اه عندي نعناع" رد عليه العروبي "محال إتمشا ليك النعناع فالفرمسيان"..... **************** هذا واحد لفروج سكر تا سكر مزياااااان و هو يمشي عند السبع و عطاه تا هوا الشراب و تا السبع تبوق مزياااان و طاحو بجوج الارض ... لفروج ناض هو الاول شاف فسبع و هو يكول ... ... وااااو تنشربو و تنخسرو ... ايصحاب ليه واش سلخ السبع **************** هذا واحد طويل بزاف شرب الحليب ومات حيث ماجا الحليب يوصل لمعدة حتى فات مدة الصلاحية **************** شاب قبل عجوزا فأصيب بتورم في شفتيه فذهب عند الطبيب و بعد الفحص قال له الطبيب بأنه تناول مادة منتهية الصلاحية \/\/\/\/\/\/\/\/\/\/\/ واحد مشا سكران لدارهم... مراتو لاحت ليه ساروت.. تلف على الثقبة ديال الباب... غوت عليها قال ليها لحتي الساروت ولوحي الثقبة --------------------------- فار غادي .. سمع عرس... دخل ليه لقا عرس ديال المشاش... بات لعروسة شدو وقال لجوق: غنيو ليه يازربان على عمرو --------------------------- شارفا ماتت عمرها ماغسلات شعرها... مني بغاو يغسلوه ليها.. لقا القمل كايصلي صلاة الاستسقاء --------------------------- واحد جوج لحايا معندهم فلوس... تافقوا يركبو طاكسي ومني يحطهم يهربو... مني حطهم هربو.. مول طاكسي تاهوا هرب... تسحاب ليه حطو ليه قنبولة --------------------------- واحد طلاب طلع لطوبيس كايطلب مبغا حد يعطيه.. واحد الراجل عيط عليه عطاه شي حجا...طلاب قال ليه الله يجعلك من الدين امنو... مني شاف لقا ريال.. زاد قال ليه ثم كفروا --------------------------- واحد ال**** غادي معا صاحبتو.. شرا ليها بولو... واحد لوقت دازو من درب خاوي.. قالت ليه حنا بوحدنا دابا غتانم لفرصة... هوا يخطف ليها بولو وهرب --------------------------- جوج مهابيل كايتخاطرو علا مشا... واش دكر ولا لا... داز واحد لمحشش سولوه .. هوا يقول ليهم نضربوها بحجرة.. الا تصب راه مش الا تصبات راها مشا --------------------------- واحدا قالت لراجلها نصوب لك مصمن ولا بعرير.. قال ليها صوبي فمك هوا الاول --------------------------- واحد شرا صباط كبير عليه.. هوا يحتارموا. --------------------------- واحد بغا يدور لحريرة... داها لمدينة. --------------------------- واحد راسو كبير ديما واحد لبرهوش كايقول ليه ناري كون كنتي ملك... ديما .. واحد نهار شدو قال ليه اش هايطرا كون كنت ملك.. قال ليه الدرهم هاتكون قد الصينية. --------------------------- لحناش تابعين شي حشاشين. خسرات ليهم صطافيط.. ركبو طموبيل ديال كنور.. شدوا واحد حشايشي.. بدا كايضحاااااااك.. قالو ليه مال جدك كضحك.. قال ليهم شفت كنور بالدجاج بالحوت غير عمرني ماشفتو بالحناش --------------------------- حشايشي تابعنو لحناش .. كيدخل ليهم من دروبا مشدوهش.. واحد لوقت شافوه راجع قال ليهم دراري انا عييت ليوم تاغدا ونكملو --------------------------- واحد حشايشي شاف باه فالزنقة.. باه جا عندو قال ليه ماك مشفتنيش.. قال ليه شفتك غير معرفت فين --------------------------- واحد شابع عياقة. مشا يدوز امتحان فالفرنسية سولوه اش ناهو الحديد بالفرنسية قال ليهم musculation --------------------------- واحد كتب ليه طبيب دوا.. قال ليه شربو ورا القهوة.. صاحبنا مشا لورا واحد القهوة فالدرب شربها --------------------------- الاستاد لدري اش كتحلم دير... الدري: كنحلم نشد 10000 درهم فالشهر بحال الوالد... الاستاد :علاش باك كايشدهم... الدري: لا تاهوا غير كايحلم --------------------------- جحش كبر مشا كيجري عند مو قال ليها ماما وليت حمار.. قالت ليه مالك كنتي مهندس. --------------------------- واحد مشا عند طبيب قال ليه فيا لحناش فكرشي... الطبيب محشش قال ليه كتب فيها الامن الوطني. --------------------------- هذا واحد الصومالي شاف سبع دايز .والصومالي داير بحال االاسخفان ملي شافو السبع هزو وباسو وحطو على جنب سحاب ليه واش خبز كارم --------------------------- واحد سكران وفجيبو فار تاهوا سكران... جاي كيغوت فالدرب.. واحد لمرا طلات عليه قالت ليه هانعيط لمك على لحناش... الفار خرج هوا يقول لها عيطي تاعلا لمشاش --------------------------- واحد مغربي مشا لاسبانيا.. جاه الجوع مشا لواحد لبسري قال ليه دوس كوميروس دوس طورورس هاهاها ( جوج كوميرات جوج بقرة ضاحكة) --------------------------- واحد طلع لطوبيس شرا جوج ورقات.. قال ليه للي كيقطع علاش شريتي جوج... قال ليه مني طيح ليا ورقة تكون عندي ورقة .. قال ليه ومني يطيحو ليك بجوج.. قال ليه عندي لكارت ديال الطوبيس --------------------------- هادا واحد مشى لهولندا، هو ماتيعرفش الهولندية، يالله تايعرف صباح الخير هي الداخ، وصل تماك بالليل وناض الصباح بكري تيدور بوحدو وتيتسنى يدوز شي واحد باش إقول ليه الداخ، شوية دازت واحد النصرانية وسبقاتوا قالت لو الداخ معرفش باش إجاوبها وقاليها دردلاخ --------------------------- هدا واحد **** دخل باش ايسرق واحد الدار ملي دخل لقا مرا او راجلها كال للمرا شنو سميتك كالت ليه حليمة كال ليها حليمة سميت مي ماغانقيصكش او سول الراجل كاليه سميتي بوعزة او كيعيطو عليا حليمة --------------------------- هادا واحد سميتو مبارك او جارتو سميتها زهرة مبارك شرا حولي هي تقوليه جارتو مبارك الحولي كال ليها تبارك الله على زهرة البكرة --------------------------- قال ليك هدا واحد سكران طلع الطوبيس و هو يقول السلام عليكم , و حتى واحد مجاوبو , وهو يمشي القدام حدا الشيفور و نعت بيديه وقال ليهم هاد الجهة اليمنى ديال الحمير و اليسرى ديال البغال , و هو ينقز واحد من جهة ديال الحمير و قال ليه خويا أنا راه ماشي حمار و هو يقول ليه السكيري يلاه دوز الجهة ديال البغال ---------------------------------- هادو جوج ****ة طلعو الطوبيس يسرقو شي حاجة مصبو ميسرقوا بنتلهم واحد المرة {عجوز} سرقولها واحد البيدو مشاو ورا الطوبيس الاول شرب النص والثاني شرب النص تغنوا الاول كيقول لبن حامض والثاني كيقول رايب قالو غدي نمشيو عند المرة نسولها قالو ليها سمحنا المرة سرقنا لك البدو وش هدا لبن حامض ولا ريب قالت لهم هدا ما لبن حامض ما ريب غير مرة مرة ملي كندوخ كنتقية فيه ---------------------------------------- واحد راسو كبير ديما واحد لبرهوش كايقول ليه ناري كون كنتي ملك... ديما .. واحد نهار شدو قال ليه اش هايطرا كون كنت ملك.. قال ليه الدرهم هاتكون قد الصينية ---------------------------------------- استاد للتربية الاسلامية كان يفهم التلاميد درس الفتح و المعركة التي دارت بين قريش و المسلمين واحد التلميد كسول رفع يده و قال للاستاد لم افهم قال له الاستاد انضر كما تلعب غانا ضد بوركينا فاسو و تربح المغرب تم اجاب التلميد يعني المسلمون سيلعبون ضد غانا في النهائيات ---------------------------------------- دهب ولد الى متجر وقال صاحبه عندك سكر قاليه اه ورد عليه الله يشافيك ----------------------------------------- قالك هذا واحد بركاني كان يدور في وجدة وخلط عليه **** على غفلة ودالوا البورتابل وهرب. بركاني بدا كيجري موراه ... حتى قالولوا اصاحبي راك متقدرش تقبضوا راه سريع بزاف رد عليهم اودي مسكين نسى شارجور ----------------------------------------------- هادا واحد حل حانوت كيبيع غير البوطات فرقع ربعة باش ادير الافتتاح ----------------------------------------------------- هدا واحد العروبي مشا المدينة او فوق ما شاف البرق كيفرح تسحاب ليه واش شي واحد للي كيصورو ------------------------------------------------------ هادا واحد تكى على دار فالشوكه او هي تدك ----------------------------------------------- ها واحد الحمار شاف فالمرايه هو يقول والله حتى انا عود ------------------------------------------ هادا واحد لواحد هما يتعادلوا --------------------------------------- هاد2 مشاو للحمام واحد حك وواحد صندوق ----------------------------------------- قاليك هذا واحد سكرااان داز فضو لحمر هو يوقفو لبوليسي قاليه آ سي راك دزتي ف ضو لحمر قاليه سكران ومشي شي حمورية . ---------------------------------------------------------- هادو جوج صحاب مدمنين على الكحول (الشراب ) واحد النهار واحد مرض بمرض السرطان و من بعد 5 أيام غدي يموت وقال لصاحبو الى مت عود شرب فبلاسطي وبقا هداك ديما كيدي جوج قراعي دياول الشراب و جوج كسان واحد النهار دا كاس و قرعة و سولو مول المحال قال ليه مالك اليوم مشي كيف عادتك؟ قال ليه راه انا عفا عليا الله راه كنشرب غير فبلاسط صاحبي ------------------------------------------------------------------ واحد 2 سكرانين "قوقة" شافو واحد المش ... الأول: هداك مش الثاني: لا هاديك مشة الأول:لا راه مش .. الثاني: والله يتا مشة شافو واحد الراجل جاي هما يسولوه واش هاداك مش ولا مشة ? الرجل حتى هو مقرقب hors service .قال ليهم:ضربوه الا هرب راه مش الا هربات راها مشة ... ---------------------------------------------------------------- واحد بغا يتصنط لعظامو لقاهم زيازن (مكايدويوش ) -------------------------------------------------------- قزم اوطى على مسمار خرج ليه من راسو ---------------------------------------------- عزي لابس كولشي ابيض .مشة (قطة ) تلاحت ليه علا وجهو. علاش. تسحاب ليها حفرة --------------------------------------------------------------------------- دري كايخبي قرقوبي فسطاح . فالعيد حطو لحاولي فالسطاح كلا ليهم القرقوبي .طلعو لقاو الحولي كايضرب راسو بزيزوار كايقول ليهم بغيتو البطانة هالبطانة ------------------------------------------------------ راجل خشا يديه فما قاطع مالقاهاش . خشا راسو كيقلب عليها -------------------------------------------------------- صومالية كالت حمصة. قتلها باها. تسحاب ليه حاملة ----------------------------------------------------------------- واحد عينيه خارجة قال ليه واحد الراجل مال عينيك خارجا. قال ليه لا غير انا للي راجع لور ------------------------------------------------------------------------ واحدة كاطلب (متسولة) قال ليها واحد فرضنا ربحتي 100مليون اش غاديري بيها. فالت نبني جامع نطلب فيه وحدي ------------------------------------------------------------------------ هدوا واحد جوج سكايرية بقاوا كسكروا حتى دخوا وركبوا على واحد الحمار وبقاوا عليه اشا اشا جا صاحبوا قالوا ضربوا بديك القرعة هوا الحمار داخ بديك الضربة بقا كيدور راسو ليمن وشمال قالو صاحبو عاود لمو شضربة راه تيقلب على اللحجر ------------------------------------ هاذا واحد خيي حط طابلة وملقى مايحط عليها ، هو يحط عليها الباطل !!!! ------------------------------------------------------ هذا واحد المكلخ شرى كرطون ديال لحليب ورق التاريخ ديالو فات مشى هو زورو وشربو --------------------------------------------------------------------- هذا مريكاني و فرنساوي و عروبي قالو ليهم لدخل عند الحمار و بقا نص ساعة يربح معنا .دخل المريكاني ماصبرش على الريحة وهو يخرج الفرنساوي .تم دخل العروبي وهو يخرج الحمار ـ واحدقال لصاحبه :واش نركبو فالطوبيس؟؟ قال ليه : لا أصاحبي، حنايا غير نجريو موراه باشنشيطو 3 دراهم..وهو يرد عليه: كايبان ليا حسن نجرّيو مورا الطاكسى ونشيّطو 7دراهم. ************************************************** ************************************************** *** واحد دخل لحديقة الحيوانات وهو يدخّل راسو فلقفص ديال السبع، الحارس جا كايجري وقاليه: وا تا أشنو كاتدير ألمسطي ؟؟؟؟ قاله : وا غير بشوية أصحبي تا مالنا غادي ناكلوه.. ************************************************** ************************************************** *** واحد قال لمراتو : شوفي أحسن حاجة تاخدي لكونجي ديالك شهر و أنا ناخد الكونجي ديالي شهر و نسافرو شهرين عند دارنا فالعروبية.. ************************************************** ************************************************** *** غبي طاح فالدروج وهو يمشي عند الطبيب..الطبيب عطاه بومادا وقاليه : إدهن مكانالإصابة..وهو يمشي يدهن الدروج. ************************************************** ************************************************** **ا أستاذ الرياضيات: إيلا كان عند باك سلف ب 5000 درهم وخاصو يرجعو على 5 أشهر شحال غادي يخلص في الشهر.. التلميذ: ما غادي يخلص تا ريال. أستاذ الرياضيات: اجلس أولدي راك مافاهمش الدرس مزيان. التلميذ: ولاّ أأستاذ.. راك نتا اللي مافاهمش لواليد مزيان. ************************************************** ************************************************** ******** دبّانة تساط عليها بفليطوكس وهي تطيح وقبل ما تسخف سمعات صوت لامبيلانص و لغوات.. ملي فاقت لقات حداها سراق الزيت ناعس و داير لكبص وهي تسولو ؟ فليطوكس..قاليها : لاّ صندالة. ************************************************** ************************************************ا واحد سكران حل الثلاجة وهو يبان ليه "flan" كايترعّد وهو يقوليه : ماتخافش غادي ناخد عصير.. ************************************************** *******************************************ا واحد سخي بزاف تحرقات ليه دارو.. ملي جاو البومبية قاليهم والله يما تحطو ايديكم فشي حاجة قبل ما تشربو القهوة..
وفي الصمت ستر للغيّ وإنما صحيفة لب المرء أن يتكلما..!!
التعديل الأخير تم بواسطة غزال كلميم ; 18-02-2009 الساعة 19:12 |
|
 |
|
بعد مشاهدات وصلت ل 40
 اول واحد يرد شكرا اخيTamessate;على المرور الكريم  وفي الصمت ستر للغيّ وإنما صحيفة لب المرء أن يتكلما..!!
|
|
|
|
مشكور على المرور..
وفي الصمت ستر للغيّ وإنما صحيفة لب المرء أن يتكلما..!!
|
 |
| مواقع النشر (المفضلة) |
| الكلمات الدلالية (Tags) |
| لعشاق, المغربية, النكبة, انا, اكبر, تبرعو, نكتة |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تشكيلة المكتب المسير للجمعية :الكشفية الامازيغية المغربية | may abdel karim | ثقافة العمل الجمعوي | 3 | 03-05-2009 12:55 |
| بيان المكتب الوطني للجمعية المغربية لتربية الشبيبة | أيوب بنجماعي | الأرشيف النقابي | 3 | 26-02-2009 17:52 |
