اسمع نوصيك آسي التيجاني-3-

[fayrouz]

آ السي التيجاني اسمع نوصيك
و على الحق لا تغمض عينيك
أمك مرا، اختك امرا ، وخالتك و عمتك
و مولات الدار اللي تواتيك
حتى هي امرا.
المرا بلسم لجراح
إلا لقات راجل ديال بصاح
و انا بغيت نفهم
واش عندك دماغ بحال الناس
ولا عندك حجرة تم.
واش اصباع لليد تتشابه؟
را عهدي بيك على بال و منبه
و شفتك اعمى و بلا ماتخمم
و ف اصناف النسا تعمم.
صاوب كلامك و اعرف كيفاش تكلم.
المرا را اصناف مصنفة
و الفاهم يهديه الخالق
للعاقلة
ماشي التالفة
آآالسي التيجاني.
را شحال من راجل غ راجل بلعاني
و نكول و بلا معاني
انت راجل غافل ولا كتغافل
واش تقدر تعيش بلا مرا سميحة
و تولي محضار ناقصاه لويحة
و قدام المحضرة تابعاه الفضيحة.
يسراق لواح مفرقة
ها المصلصلة ها المسمقة
ها الناقصة ها المطرطقة.
إيوى افهم كلامي و اروى
و اللي يكول المرا كاس امرار
من حر لهيب هواها تكوى.
طاح ف ذيبة عضاتو
و بنيابها المغروسة ف ضلعاتو
انهش ب كلامو امرا من قلبها بغاتو
ولا يمكن تكون اختو،عمتو،
وعلاش اللا حتى اللي ولداتو؟
أسمعني آالسي التيجاني
محال واش كلامك هذا
تكون دايرها غ بلعاني
حيث شوفة ف صورتك مخطوفة
وراتني طيبة القلب
و محبة للناس ف العين مكشوفة.
لا تكابر يا راجل
را شي رجال غ مهازل
و لا كنت واحد منهم
را ما بقاك ف الهم حاصل..
27-05-2009

[بلابل السلام]

والسي التيجاني تلاكاوا عليه العايلات
غادي يندموه على شي كليمات
كالهم بالمزاح ماشي بالجد
حيث هو راجل وكيفهم

كل التحية لك أختي فيروز على هذا الزجل المنافح عن المرأة ، وإن كان فيه بعض القسوة على الأخ التيجاني
مودتي عزيزتي

[مرآة الروح]

أبدعت أختي فيروز
لكن من قاصحة...رطابيت...
انتبهي مع التيجاني...عليك بالتصعيد...

وصيه،وصيه...
ويلا تنكر، سير وخليه
فيقيه، فكريه..
ياختي فيروز، لاتفوتيه
ههاه..يصاوب كلامو؟
ما تعولي، غير نظمي واعطيه.
راه فهمنا مرامو..
بالي بيه، ولاتحني عليه.

[fayrouz]

اقتباس المشاركة الأصلية كتبت بواسطة بلابل السلام والسي التيجاني تلاكاوا عليه العايلات غادي يندموه على شي كليمات كالهم بالمزاح ماشي بالجد حيث هو راجل وكيفهم كل التحية لك أختي فيروز على هذا الزجل المنافح عن المرأة ، وإن كان فيه بعض القسوة على الأخ التيجاني مودتي عزيزتي

أشكرك أختي على مرورك الجميل .
السي التيجاني عزيز علينا
و نديروه في عينينا
و لا جاك كلامنا قاصح عليه
را هو الاول سبق لينا
بغيتو يحل عينيه
و ما يشوفش غ الحاجة الخايبة فينا

[Fouad.M]

لك الله اخي زايد هههههههههههههه فقد تجمهرت النساء حولك ليستأصلن شأفتك....الم انبهك الى ما انت سائر اليه... فقد وددت مساعدتك...لكن الله غالب ههههههههههه

شكرا للمبدعة اختي فيروز على القصيدة الزجلية الرائعة....ولكن لم افهم كلمة المحضرة...فحبذا لوشرحتها لي....
دمت متالقة ومبهرة...
لك تحياتي ومودتي...