إزوران . / الجذور( الأصل)
غ تيكمي ملولن أغد لولغ غ تيكمي ملولن أغد لولغ /
غ نكر ايجريفن إيفرض اغد أوتن إيزوران /
انكر إيدرارنس أغد ايلا أكجكال /
د تكجكالت د واحانو ومان /
وراكم اتوغ اتغربوت /
أسيف أدودو أكن كل إيسوان /
زرين أمان ستيركت ملولن /
ورجو سو وانا يسفلدن د ولي يزران /
ياغيي أوماركنم أ تمازيرت الجدود /
يغيي أمارك نواضو ن واكالنم ولا الهاوى ن ايجوانم /
تجلياغ الدونيت أيليغ نكومي لحبابنغ أت نتزور /
نيويت اغار ورنسالى أيليغ انسالى سيان دور /
إيدكاما ديد بوسيك غيفرض لاصلينو آد كلو كان /
إيلا كيسن إد عمي ديد خالي ولا تارونسن /
إيدامن أ نمشاراك أور ايكي أمان /
متى أوفيغ أ كيسن أتزورغ /
ولايني لاح الحيلت إي والي ور ايزضارن /
إيك زود أتبير لي مورزان تيفراوين /
وانا وريزضارن أيسوال سيلس انتمازيرتنس /
إيكا أبراني واخا يلا نكر آيدارس /
يكومي أيسن ماداس انان ولا أداسن ايتجاواب /
أولنس ولا العاقلنس زود إيغ ف مناص ابضان /
إيكا زود ولي مو يبي أسيف /
أغراس لي راتيوي س تاقبيلتنس /
لحاس القنضرت لي راتيسمون د لحبابنس /
إيكسوض أيدو دارسن س لعوم إيويت أمان واسيف /
وور دارس أبلا أ يتقل س ومان أد زون /
ولايني منشك أك يقدان أتقلت أفلان /
هان العمرأوسانس دروسن /
ورا يتقل سيان /
ما منك أراد اسكرغ ادسوالغ س تامازيغت /
أسرس تراغ زود أمان؟؟؟؟ /
أد تلمادغ تيغري ن ويلي زرينين ولا د ويلي كران ؟؟؟ /
أد سنغ لعوايد نايداري إيغ ريغ إيلسنسن ولا لعوايدنسن ادورجلان ./
وريلي مامو اتعجابغ إيوالي يسن كولو ما ياد /
ا يلول غ تمازيرت يفلتين إيدا ايتعيش غ لمدينت /
وور سول ايرضى أ يسوال س تامازيغت /
إيناكرتيد إيناكر لعوايد انتمازيرت /
إيناكرتنيد ف ايخفنس ولا تاروانس /
مامنك را ترجوت الخير /
فغوالي إيناكرن لاصلنس ؟؟؟ /
(إيكا زود ولي يومزن أسماود /
إيبي سوفوسنس إيزورانس ...) /
ملاحظة : * مستودعات طبيعية لتخزين بعض من مياه السيل .
محمد محبوبي .
الدارالبيضاء . بتاريخ : 06/09/2005 .