السلام عليكم ورحمة الله تعالى وبركاته
نحن تلامذة أولى باك علوم الاقتصاد و التدبير و أستفسركم بالمساعدة و النصح أذا أمكن لأن موقفنا ضعيف من ناحية و قوي من ناحية أخرىوسأكتب بالدرجة لتسهيل الشرح علي.
اخواني الكرام . كنا اليوم في فصل "الاقتصاد العام و الاحصاء"لمدة ساعتين .المهم الأستاد خدام فالدرس رغم أنه فاشل في الشرح
و بقاو بعض التلاميذ كيضربو بالقواعط طي طي طي طي .حتى قربات تصوني الساعة الأولى
و هو يشكى واحد التلميذ لأنه تضرب فراسو.المهم الأستاد دوزها وقال "هادي ندوزوها ويلا عاودتو غادي تشوفو لآش غادي ندير"
المهم من بعد قليل أشتكى تلميد آخر . فقام الأستاد بوقف الدرس و قالينا شكون هادا اللي كيضرب .حتى واحد ما جوابو. و هو يقولينا جبدو وريقة صغيرة و كتبو فيها سميت هادا اللي كيضرب.جبدنا الوريقة و اتفق القسم على كتابة اسم غير موجود بالقسم و هو "حميد" . المهم الأستاد طلع ليه الدم و هو يعيط على الناظر حيت مالقاش الحارس العام ديالنا.جا الناظر و هو يقولينا شكون اللي ضرب حتى واحد ما جاوبو .و هو يجري على القسم كاملو و قالينا راكوم موقفين على الدراسة لمدة أسبوع (و هادي فترة الامتحانات ) و ماندخلو حتى نجيبو الأولياء ديالنا يسنيوْ التزامات لا اللي دار لا اللي مادارش. المهم بصفتي ممثل القسم مشيت عند الناظر نحاول نفهمو بللي راه هادشي اللي دار ماشي فمحلو و باللي راه حتى واحد ما شاف شكون اللي ضرب .
المهم الاخوان اتفقنا باش حتى واحد مايجيب الولي ديالو حتى نشوفو كيفاش
فلجأت الى المنتدى الغالي للاستفتار حول:
- واش بصح يمنع على الناظر توقيف القسم كله
- و آشنا هو الاجراء اللي خاصنا نقومو به
من غير احظار الأولياء لأن غادي يتضررو الداخليين بزاف و الأولياء الا جاو غادي يمضيو على شي حاجا مدرناهاش
و بلا متقوليا بيعو هادا اللي ضرب لأن وخا يكون معروف ماجاتش تبيعو و غادي يقومو بطردو على غلط قام به
و شكرا الله يرحم الوالدين