السلام عليكم ورحمة الله وبركاته
قصيدة بالسوسية
أولغ ألن انو سيكنوان أملغ أيور أر ألان
نيغاس كيغن سيتون ربي أييور ماك اسلان
اساولد اناي أيهيانك أيفكان
تسنكرت لعفيت غواكال أر تساقسات ماي اسلان
تغارت وول نك أيفكان اي ايسلان
نيغاس أوهوي...أوهوي أييور أورد نكين
أفكان هان أور كوللو ايكا يان
نكين أوركيغ أبلا يان غويللي يلان
زوند نكين زوند كين زوند كوللو ويللي يلان
اد باب لعفيت دروسن يان مناو أد كان
ماش الس لعفيت نسن أرسيس اجدر كويان
نكين أوركيغ باب لعفيت
ماش كيغ يان غويللي سيس جدرنين
أر ألاغ... أر ألاغ أيللي غي سرمين امطاون
جدرنت والن انو تجدر تسانو
اجدر وول أولا نتان
نيغ أوكان ازد نكين كايلان
اميل حتى كين أييور أر تلام
اساولد اناي أح أوكان أيفكان
مامنك سراد أور يالا يان
البارود اسكر اغاراسن غيدمارن نتازنين
اكنوان أورارتند سول تكان ومان
أقريان نتسايلالين أتند اتكان
تيمدنين فوغنتنت ايمزداغن
كشمن سيسنت اغواغن لليغ أور ايللي لمان
أح أوكان أدونيت ماتا غيكاد
أر يلا أوفكان أر ألان ايجديكن أولا ايتران
تزكزوت تفوغ أكال اكنوان دلنتن امروين
أفكان ايزوك ايزا كيس أوقريان
ايفل تمزيرت نس ايجلو غيكي نيكالون
اغ تلا تفوكت أر جدرن
ايغ ايلا أونزار أسينتن ومان
أولاون ايغ قورن أرتن ايتفوغ لمان
تفوغتن تايري دلمحبة أولا لحنان
أح أوكان أدونيت ماتا غيكاد
افوغكم أوفرا مانزاك ألامان
لعفيت ترغا كيم يلاح أمان
أحريك ازدا تاسوين دولاون
أمطا اينكيد غوالن سيسافن
أر ألانت تمغرين أولا تزنين
أر ألان ايكضاض أولا تيموزونين
أول نكرا اقور ايكا زوند أجريف
عاد أجريف اسول رشان
أد انيغ أول نكرا اقور زوند أوزال
نغد ايستاك ضارعان
ألله أدونيت ماتا غيكاد
ماناك أراد يوري لهنا مناك أرايلي لمان
مناك أراد بين امطاون غوالن نتزنين
توريد تضسا سودماون نتمغرين
مناك ؟؟
مناك أيلاهي أراد أولون وولاون
ابي لحس أوقريان فوغند اكضاض ستموزونين
اعمو أوفرا يلي لهنا دلمان
مناك...مناك...مناك ؟؟؟