واعباااااااد الله رحمونا من هاد الأسئلة

[persimia]

مسطح ففراشك و ناعس وطافي الضو و مغطي بالبطانية كيجي واحد من مالين الدار كيفتح البابويقول :

واش ناعس؟؟؟

لا كنشطح
---------------------------------------------------------------------------------------
معروضين عند شي ناس، ومني كتدقوا الباب .. كيفتحوا و يقولوا : والاهيلا و صلتوا؟؟؟؟؟؟؟؟

لا والله الا ما زالين فالطريق،
---------------------------------------------------------------------------------------
لابس أحسن حوايج عندك ومتعطّر وهاز سوارت الطوموبيل و حال الباب كيجي واحد من مالين الدار و تيسولك واش خارج ؟؟؟؟؟؟

لا طالع للسطح نصايب البارابول

----------------------------------------------------------------------------------------
هاز التلفون و كتكتب فيه الأرقام، كيجي واحد من مالين الدار و على وجهو الإستغراب والدهشة تيسولك غادي تتصل بشي حد؟؟؟؟؟؟

لا غي كنجرب النماري واش خدامين
------------------------------------------------------------------------------------------
هاز الكتاب وال عينيك فالوراق كايجي الواليد أو الوالدة تيسولوك واش كاتقرا ؟؟؟؟؟؟؟

لا راني كنسقي الغرس

--------------------------------------------------------------------------------------------
كاتطلع الطوبيس كيجي مول الوراق كتعطيه الفلوس كيسولك واش بلاصة؟؟؟؟

لا قطع 20 بلاصة حسن
--------------------------------------------------------------------------------------------
راكب فالطاكسي كتقولوا صافي غي هنا كيسوللك واش باغي تنزل هنا؟؟؟؟
لا غير كاندير التجربة الصوتية

[imimzirg]

الله يعطيك الصحة

[الزبير]

شكرا على الأسئلة التي نتداولها كثيرا دون ان ننتبه اليها

[chamss]

تصوروا ان هده الاسئلة في الحقيقة غبية

و لكننا نكررها باستمرار دون ان ننتبه

[احمد امين المغربي]

هائل..........شكرا لك.