شافوني اكحل مغلف يحسابوا ما في دخيرة
وأنا كالكتاب المؤلف فيه منافع كثيرة
كسبة في الدهر معزة و جبت كلام رباعي
مادا من اعطاه ربي و يقول اعطاني ادراعي
لا اتخمم لا تدبر لا ترفد الهم ديمة
الفلك ماهو مسمر ولا الدنيا مقيمة
يا صاحب كن صبار اصبر على ما جرى لك
ارقد على الشك عريان حتى يطلع نهارك
نرقد على الشك عريان أو نضحك للي اجفاني
نصبر لنعوس الأيام حتى ياتي زماني
الهم يستهل الغم و الستر له مليحة
رد الجلد عاى الجرح تبرا وتولي صحيحية
نوصيك ياحارت الشيح و الشيح فيه المرورة
ألي تضن و تقطع عليه تاتيك من الضرورة
نو صيك يا حارت الدوم و الدوم كثروا انفاعه
الدم ما ينفع الدم يا ويح من خانه دراعه
الصمت حكمة ومنه تتفرق الحكايم
لو مانطق ولد اليمامة ما يجيه وليد الحنش هايم
الصمت الذهب المسجر والكلام يفسد المسالة
نوصيك يا وكل الراس في البير ارم عضام
اضحك ولعب مع الناس فمك متن له لجامه
يا زارع الخير حبة يا زارع الشر ياسر
مولى الخير ينبا وملى الشر خاسر
القمح يسموه الربح ودربة يصفى غبارة
إدا بغيت تنجي من الناس من البلا تنهي اصغاروا
الخبز يا الخبزو الخبز هو الإفادة
لو ماكان الخبز ما يكون لا دين ولا عبادة
نوصيك يا كسر الخبز اكسلر كسرة اصغيرة
راه لي جاك مرهام يرفد الكسرة الكبيرة
الي يدور يقول كلمة الحق يدير هراوة في حزامه
من لا يقرا لالزمان عقوبة يجي على راسه مكبوب
الدنيا متلها درعة ما يلبسها غير لي يشطح
يلبسها ويدور بها ساعة وينكد عليها بعد ما افرح
خبزة و القلب مشروح و الضحك هو ايدامه
الفضة الصافية ولات نحاس و التوب الدي كان وافيا عراني
حبيبي أنى غضب ما صبة له طوب
بعد المحبة جفاني
نجيب القهوة ونصب
و نتحدت بالمعاني
ونعملوا فوق الراس عمامة
حتى ليوم القيامة
ديوان
المواضيع المتشابهه
