براد اتاي بالنعناع الحرش و تيميجا - منتديات دفاتر التربوية التعليمية المغربية

abou_hiba_1999 · 26-10-2008, 07:37

اليوم نوريكم كيف تصاوبو براد اتاي دايزو الكلام
بالنعناع الحرش وتيميجا الصحية في هاد البرد

المقادير

ماء ساخن حتى تخرج السبولة
ثلاث ملاعق صغيرة شاي من النوع الجيد و افضل اما البارود او سلطان او الكمنجة
نعناع اخضر جديد و حرش
تيميجا جديدة و منسمة
اربع قرارط سكر

الطريقة

ندير 3ملاعق اتاي في البراد و اصب عليهم قليلا من الماء الساخن
ماشي باش نشلل ولكن باش نغليه
نحط البراد فوق البوطة متوسطة النار حتى يغلى داك الشوية الما اللي درتي
ولا تحرك ابدا البراد

نخوي داك الشي اللي غليت في البراد في كاس

اعيد من جديد نخوي شوية الما طايب على هذاك الشاي و نردو يغلي قليلا
وبلا ما نحرك البراد

نخوي داك الشي اللي غلا في الكاس من جديد على الاول او كاس اخر

نخوي شوية الما عاود ثاني على هذاك اتاي ولكن هاد المرة باش نشلل
بلا ما نحطو فوق البوطة
نحرك البراد مزيان

ونخوي التشليلة و نرميها

الشاي اللي غليت ودرتو في الكاس او الكاسين نديرو في البراد من جديد
و لكن احرص مللي نخوي الكاس ما نخويش التخا اللي تحت في الكاس

ونزيد عليه الماء طايب حتى يعمر البراد

واترك البراد يغلي على نار مهيلة قليلا من الوقت

نحيد البراد من فوق البوطة

نخوي اتاي في كاس

ندير النعناع الحرش و تيميجا في البراد

نزيد عليهم اربع قرارط سكر

نرد البراد يغلى على نار مهيلة

ومللي يغلى

نبدا نراجع في البراد بحيث نخوي اتاي في كاس ونرد كاس مخوي في البراد

اكرر العملية مرارا حتى تظهر علامة الرغوة في الكؤوس

واترك البراد يهدا لمدة خمس دقايق

ونخوياتاي في الكيسان بحيث نعللي البراد و انا اصب الشاي في الكاس
لاضمن بذلك وجود الرغوة

وبالصحة والراحة

الشكل النهائي للشاي

ط§ط¶ط؛ط· ط¹ظ„ظ‰ ط§ظ„طµظˆط±ط© ظ„ط±ط¤ظٹطھظ‡ط§ ط¨ط§ظ„طط¬ظ… ط§ظ„ط·ط¨ظٹط¹ظٹ

ط§ط¶ط؛ط· ط¹ظ„ظ‰ ط§ظ„طµظˆط±ط© ظ„ط±ط¤ظٹطھظ‡ط§ ط¨ط§ظ„طط¬ظ… ط§ظ„ط·ط¨ظٹط¹ظٹ

الغِلاَق · 26-10-2008, 08:01

الله الله أخويا شهيتيني في هاذ البراد هاذ الصباح وانا مازال مافطرتش!
إلى كنتي آخويا في آسفي نجي عندك دابا تعمر ليا ابحالو!

abou_hiba_1999 · 26-10-2008, 08:07

elghilak

ههههه

تستاهل كل خير

ولكن للاسف انا بعيد عنك ب 220 كيلومتر

شكرا على تشجيعك اخي الكريم

كنت اظن هذه الطريقة لن تعجب احدا و لكن يبدو انني اخطات التقدير

شكرا لك على التشجيع

الغِلاَق · 26-10-2008, 08:33

راه بزاف الناس ماكيعرفوش يعمروا أتاي . لكن لو تتبعوا طريقتك لتعلموا وسيذكرونك طول الدهر !
220 كلم؟صافي؟خاص غير أتاي يكون دايزوا لكلام !
بصحتك وراحتك أخويا.

abou_hiba_1999 · 26-10-2008, 09:03

elghilak

مرحبا بك حتى دابا
نصاوبو ليك اتاي

ومعاه المطلوع بزيت العود و العسل الحر

غير اجي مرحبا بك

ودائما اشكرك على التشجيع

فعلا كاين شحال من واحد ما كيعرفش يدير اتاي

كيديروه مسلوق ههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عصير الليمون بالنعناع منعش ومفيد	fatima1960	الـمـطــبـخ	4	02-06-2009 13:55
براد فالغربه....	نجيب أمين	الشعر والزجل	16	28-03-2009 06:22
Ceci est très important pour votre santé	nabila	الأرشيف	6	27-02-2009 00:44
طريقة لغسل براد الشاي	EducApps	الأرشيف	6	31-10-2008 22:53