هذه الزجلية تعليق على " حوار ف قلب الدار " للزجال أمين:
اسمع أسي أمين
أشربْ مني هادْ الكاسْ
المرا وحْـده مَن اثنين
وحْـدَه طـِّيعْ ..تحْـنِي بْ الراس
مولاة القلب الحنينْ
عندها إحساس
تخليك هاني و زوينْ
تحسبك من خيرْ الناس
حـْكيمه ..والحرْفْ رْزينْ
يسْحى الخاطر عمرو ما يتقاسْ
لـَخـْرى : الـقـْباحه فَ الـْحِين
تهرّسْ ليك الراس
تغوّت .. طرطقْ العين
توريك نـْيابْها وَضْراسْ
حياتـْها غيرْ جيمْ أسين
نارها يذوّبْ النحاس
ديمَ تعجنْ ف الطين
يهجركْ النعاس
جعـْواقه ..مْـنين أفين ؟
لسانها بلـْحاس
انت تعرڭ ْ سْـنين
أتهرّسكْ هي تهـْراس
يارب تغمَّضْ العين
تمه ما يكون عـندك الباسْ