[DASM]

أخي أظن أنك لم تمارس أبدا مهنة التعليم أو أنك مبتدئ في الميدان!!!
واش كتطلب من أستاذ ضارب 20 كلم على رجليه باش يوصل المدرسة و عايش مكرفص، و غير السطل عند خوه و هو واصل ما قادش حتى يوقف، و الوضعية المادية متأزمة، و دارو و ولادو و مراتو الله أعلم فهينا بلاد كاينين، و مين تيعمر الحركة الانتقالية حتى و احد مكيديها فيه، و المدرسة ما عندهاش حتى الباب، و الأقسام ما عندهومش الشراجم، كتطلب منو سيادتكم يحضر الوثائق التربوية لراسو!!! احمد الله اللي بعدا راه تيقلب عليهم و اجدين !!
و كتقول الوضعية المتأزمة !! الوضعية المتأزمة هي اللي عايشين فيها حنا نهار و ليل، خمسين تلميذ فالقسم و اكثر! و الوضعية اللي وصلو ليها التلاميذ وصلهم ليها المقرر اللي تيقراو، و الأسرة اللي مكاين ليها أثر، و حقوق الطفل اللي خلات الأستاذ ما بقاش يتجرأ حتى يغوت على تلميذ ما كاتبش الدرس، و المجتمع اللي ولا تيجرجر الأساتذة اللي فناو حياتهم و ضحاو بكثر مكتصور يا أخي الكريم فالمحاكم على ود حيت عاقب تلميذ.
آجي أخويا مرحبا بيك تشوف التلاميذ وليدات حي الرياض، و أكدال و حسان كيدايرين الضروف الي تيقراو فيها، و قارن بالمدارس فاين خدامين حنا، و ديك الساعا عاتبني علاش تنقلب على les fiches واجدين !!
أعتذر عن الكتابة بالعامية لأنها أبلغ في مثل هذه المواقف
احترامي لك أخي و تقديري