|
:: دفاتري متميز ::
تاريخ التسجيل: 1 - 9 - 2008
المشاركات: 244
معدل تقييم المستوى:
241
|
|
نشاط [ mahmohokamma ]
قوة السمعة:241
|
|
10-11-2008, 00:45
المشاركة 1
|
|
الراس لي سايط فيه الريح .
الراس لي سايط فيه الريح . مايقضي لبخور بالشبة والحرمل ما يكر فصاحبو يتخطى لمجمر كيف لبرق ، دغيا مشات يام ربيع عمري وجا الخريف بوراق ذابلة كيلعب بيها الريح وبعد ما كنت قوي ومتين كالسارية وليت انخطوي خطوة وحدة وانطيح ولات ريوكي سايلة و فكلامي انتمتم بعدكا كنت فالحضار بليغ وفصيح لقنانف ايترعدو ولوجه اتكمش والراس شاب بعدما كنت محبوب عند كراني جميل وفصيح اشبابي يا ناس ضاع فعز النخوة وامشى مع الخوا ضيعتو ما بين الكاس والغنا والزهو والشطيح كنت غالط غلطة لعمر ، كانسحاب لي الشباب دايم حتى فات الفوت عاد فهمت بلي راسي كان سايط فيه الريح عمري كولو دوزتو فالذنوب ولمعاصي وفعايلي فعايل الشياطن وكلامي ساقط وقبيح كي اندير يا ناس مع الجاه العالي ؟؟؟ وما بقى لي جهد باش نوفيه واخ غا شوية من حقو كي اندير باش انصرف مكتوبي لا صحة بقات عندي ، لا ركابي قادين ايهزوني كانتسنى الوقت لي فقبري يدفنوني باش من وجه يا ناس نلقى بيه ربي ؟؟؟ إلى عطاك ربي الصحة فشبابك كون يا عبد الله سيد العارفين اتمتع واتنعم بلي حلل عليك مولاك ويلا ضاق بيك الحال فيوم من ليام كون على مابلاك ربي من القوم الصابرين ربي ما ينساش عبدو وفرمشة عين ايفرج كربتوا ويجعلو من اعبيدو الفايزين ايحسب راسو من القوم الخاسرين يا اعودو بالله ، يا اعودوا بالله من القوم الخاسريييييييييييين
تلميذ ما بقيت في الحياة بقية
|