[الغِلاَق]

جيد جدا أن نفتخر بعادات تميزنا وتحدد هويتنا ..لكن النقد الذاتي له أهميته ..فلذلك أستحضر بعض الخصوصيات السلبية التي ينبغي تجاوزها ..

ـ علاش المغربي يلا درتي معاه التاسعة يجيك حتى العشرة،ويلا سولتيه يقول لك حنا مغاربة ؟

ـ علاش المغربي ديما يتكاسل على القيام بفعل لا يتطلب التأخير،يقول لك: حتى ندير وندير ؟

ـ علاش المغربي كيطلبك على شي حاجة وكيديها ملي كتسولوا عليها يقول لك : شحال كتسوى كاع ذيك الحاجة ؟

ـ علاش المغربي يلا بغيتي تبيع ليه شي سلعة كيرتاح ملي كتقول ليه راها ديال برا ؟(ليس صنعا محليا )

ـ علاش المغربي كيخبي اللص على البوليس وكيعاون البوليس على اللص ؟

ـ علاش المغربي يلا جا معطل ،ولقى الكار مشى كيقول ليك :اهرب علي الكار ؟

ـ علاش المغربي يلا هرس شي كاس ـ مثلا ـ يقول لك:تهرس بوحدو !

ـ علاش المغاربة ملي كيكونوا في شي إداؤرة كيعانيوا من الزحام ومن تهاون الموظفين كيبداوا يقتارحوا على بعضياتهم :خاصهوم يديروا ويديروا ..أو: حنا مازال متأخرين ..بدل أن يفكروا في حل عملي مشروع من شأنه أن يغير الأمور في الحال ؟كمقابلة المسؤول عن تلك الإدارة أو مديرها أو رئيسها ليعلنوا تذمرهم ؟

باراكا عليكم راه هاذ الأمور يلا ما تبدلاتش فينا ما تبقاوش تحلموا بالتغيير والتقدم وما إلى ذلك !

يلا كنتوا كتشوفوا هاذ الملاحظات مهمة ، أتمنى أن تعبروا عن ذلك على الأقل هنا حتى لا أشعر بأنني لست مغربيا !