شحال فهاد الدنيا من غافل
................ماشي فيها بلا ما يْرَاعي
مضيع حق الله وحق العبد
................وخَصٌو يكون بالمسؤولية واعي
ما يصلي ,ما يزكي,ما يدير فْرَايض
................للمويقات وللذنوب ديما ساعي
يكذب ويسرق,ويخون العَهْْد
..............ويتلوى ويْدور بحال اللْفَاعِي
خصٌر دنيتو وضيع آخرتُو
...........ما عمرو ما يرضى ديما كاعِي
وِيلا تقالْ ليه:اتق الله يا هادْ بْنَادَم
..........يقولْ:ملي نموتْ,يخرجْنِي ربي من كْرَاعِي
سبحان الله,العبْد ديما مغرور
.........وفْ الدنيا يْجري ويقولْ:كُلْشِي مْتَاعي