[aborayaan]

شي يحشم على زينو
شي يلا هداه الله
شي حاكمو دينو
شي لا خوف من الله

شي داير الدنيا طريق
همو كيفاش يلقا الله
طاعة الله والرسول
هي كل مايتمناه
مجاهد نفسو وشهوتو
ورما الدنيا موراه

واحد مسكين الدنيا غواتو
هي كل ما يرجاه
حط كل همو فيها
نسا نهار يلقى الله
جرا وراها صباح وليل
حتى جا الموت وداه

حطوه في قبرو مسكين
حتى حد ما بقى معاه
حس بالضيق والظلام
خلا رزقو موراه
عيط لولادو وصحابو
لا من يسمع دعاه
عاد حس بالنداما
وعاد اذّكر مولاه
ولكن فات الفوت
اللي عطا الله عطاه