[بولعلام]

يالعدوة يالبــــــــــــــــــطالة
ياقهارة الرجــــــــــــــــــالة
ينذلو معاك فرسان وخيـالة
تخو الدار من الزرع والنخالة
فينك فينك يا مول العـــمالة
عتقني نبقى فصف العقالة
نشري خبز نشري جنبــــالة
ولانضيع نسير من الرحـــالة
الحريك والبحور القــــــــتالة
شوف في يا وزير الشـــغالة
دبر حل لهاذ المـــــــــــسألة
أنا قريت وسهرت ليـــــــالي
جبت الإجازة يالعـــــــــــالي
باش نفرح والدي وعيالــــي
لقيت داكشي غفخيالــــــي
تخلى المسؤول والوالـــي
فقدت الثقة فدولة ديالــــي
فين حقي فلمغرب الـــنافع
المحيط والبحر الشـــــاسع
الفوسفاط والسهل الواسع
ولكــــــــــــــــــــــــــــــــــن
لا تقنطو ياسامعــــــــــــين
راني ماشي من الفنــيانين
غادي ناكل من عرق الجبين
نسير خوتي من المقاولـين
ونطلب رب رب الضائعــــين
يسهل علي ونربح فلــحين
باش نقتلك يا البــــــــطالة
يالعدوة يا قهارة الرجـــــالة
هاذي ليكم ياقراء ويازجالة
وليك انت يامحصار زين الرجالة