[tadlaouia]

آش قالوا سيادنا الوالا َ

إلاَ شفتِيهُمْ رْضاوْ علينَا

عْرَفْ حاجتْهم فينا

لو كانْ ما بانْ ليهمْ فينَا

كُونْ خلاوْ الوادْ يَدينَا

لاَ خيرْ فيمنْ يبْغي مصلاحتُو

ومَلي يسالِي بْلاَ بْكَا يرْمينَا

*******************

قالوا سيادنا الوالاَ

متلْتْ رُوحي متل الحمامْ

مبنَي عْلى صهدْ نَارُو

ملْ فوقْ ما بايَنْ دخانْ

وملْ تحْتْ طابُوا ليه أحجارُو

شْحالْ من واحَدْ مسكين

الهمْ خربْ ليه دارَو

وملًِي تلقاهْ ف الطريقْ

يضحَكْ ويتبسًمْ لْجارُو

قلبو مغمومْ يبْكي وينوحْ

ولسانو ذاكرْ الله

وخًا همومو عليهْ كتارُو

*****************

قالو سيادنا الوالا

نوَصيكْ يا واكلْ الراسْ

فالبِيرْ رمي عضامُو

اضْحَكْ ولْعبْ مع الناسْ

فمًكْ متنً ليهْ لجامُو

لي كتْرات هضَرْتو كتراتْ غْلاطو

وينَوًضْ المشاكلْ بين الناسْ بكلامُو

ويهربُو منو الاحبابْ والاصحابْ

وما بْقاوْ يرَدوا عليه سلامُو

لسانُو مفتاح للجنة يدخْلُو

ولا فْ الآخرة نمًامْ يعْلَى علامُوْ