:: دفاتري ذهبي ::
تاريخ التسجيل: 18 - 1 - 2009
المشاركات: 1,281
|
نشاط [ saida saad ]
معدل تقييم المستوى:
344
|
|
07-03-2009, 13:28
المشاركة 18
 |
أمثال شعبية بالدارجة المغربية
1
- ايلا تكبر عليك شي عيفة قول ما كيتنفخ غير الجيفة .
2
- سيدي يحرث بلا سكة و لالا تغزل بلا فلكة و الهم جا لعندهم و تكا .
3
- اللي بغا الزين يصبر لثقيب الوذنين .
4
- هو دق علينا و حنا عرفناه آشنو ناوي
و جاوبناه
الكبير في الكركاع خاوي .
5
- اللي تلقا ايدو في جيبك عمرو ما يكون حبيبك .
6
- الفم ما بقات فيه حتى سنة وما بغا يتهنا .
7
- حتى شاب عاد دارو لو الحجاب .
8
- ما درنا بلا شواشي عساك ايلا درنا الشواشي .
9
- اللحية في البيت و العايلة خرجات تجيب الزيت .
10
- حاملة و مرضعة و جارا في يديها ربعة و طالعة للجبل تجيب لحبل .
11
- زوجت بنتي تهنيت من صداعها رجعات جارة ربعة في صباعها .
12
- جيب جيب حتى نحرثو الزبيب .
13
- باع دارو و كرا عند جارو .
14
- اللي ما دي منو فايدة و تكلس معاه على مايدة رفاكتو غا زايدة .
15
- فلوس اللبن يديهم زعطوط .
16
- ثلاثة من علامات الهبال:
الغادي السوق بلا مال
و الغادي للبير بلا حبال
و الكالس وسط الجماعة و ما رادش البال .
17
- ثلاثة من علامات العذاب :
الركاد في الجلاب
و الشريب من فم القراب
و الزواج ببنت الكلاب .
18
- اللي في النصلة يكرض البصلة .
19
- الضيف كيسلم و مول الدار كيخمم .
20
- مية تخميمة و تخميمة و لا ضربة بمقص .
في انتظار الردود |
|
تبارك الله عليك.والله مثل واحد من هذه الامثال ابلغ من خطبة طويلة وعريضة .جازى الله خيرا سيادنا الاولين على هذا الكنز الثمين الذي خلفوه لنا وجازى خيرا كل من جمعه وحافظ عليه للخلف من ابنائنا .
سلمت اختي ام علاء.
|