[tadlaouia]

اقتباس المشاركة الأصلية كتبت بواسطة aborayaan على محبة بلادي تربيت وعليها نربي ولادي مهما نقاسي فيها بلادي هي بلادي محبة الوطان من لديان يا سيادي ولكن على هذاك وهذوك نّادي فين حقي فبلادي عايش فبلادي عيشة الحراك فبلاد الناس عيشة كل يوم تقتل ما بقى من احساس ولا رزقي ضايع علامن انا عساس؟! قسمتوا الوزيعة قسمة بشيعة وخليتوا الباقي ينقب الزريعة ولاينّي هذي تبريعة محلاك يا بلادي كون ودنيك تسمعني محلاك يا بلادي كون ريعك ينفعني محلاك يا بلادي كون تساواو فيك الناس محلا ك يا بلادي كون آيت عابد بحال فاس محلاك يا بلادي كون مافيك حباس محلاك يا بلادي كون حقي ما ينداس محلاك يا بلادي كون حوتك يغديني محلاك يا بلادي كون غابتك تدفيني محلاك يا بلادي كون مرتي تولد بلا موت محلاك يا بلادي كون ولدي يكون ليه خوت محلاك يا بلادي كون قريت بحال الناس محلاك يا بلادي كون عزتي ما تقاس محلاك يابلادي كون ماغربتيني يا بلادي كل غربة تهون إلا غربة الوطان يا بلادي كول قهرة تهون إلا قهرة الخوان علىمحبتك يا بلادي كبرنا وفنينا وعليك ضحاو جدودنا ووالدينا إيمتا يا بلادي تحني فينا راه عيينا ما نغرسوا وياكلوا فينا

غنيتي على زين بلادي

وزينها دايزو الكلام

وفكل واد تنادي

بغينا نحققوا فيها الاحلام

في نعاسي وف كعادي

يا ربي تحقق ليها السلام

ابوريان زجال يا سيادي

وعلى كلامو الزين ما يتلام

تقبل تحيتي وتقديري