[علال ابن الشرق]

قال ليك هادو زوج د الرجال كبار في السن ، كل واحد كيقول لاخر أنا كنشوف حسن منك ؛ هاداك النهار قروا يعملوا مسابقة ديال شكون يشوف حسن : قال واحد : غدا انشاء الله غادين نكلسوا هنا ونشوفو شكون غادي يعرف آش كاين قدام الحانوت اللي قبالتنا فراس الدرب ...
مشا الرجل الاول عند مول الحانوت : آش كتحط على برا د الحانوت الله يخليك ؟
- 4 البوطات حمرات و شطابة وصندوق د كوكا.

من بعد منو جا الثاني :
- آش كتحط على برا د الحانوت الله يخليك ؟
- 4 البوطات حمرات و شطابة وصندوق د كوكا؛ ولكن آجي بعدا راه عاد جا عندي واحد سولني نفس السؤال وقلت ليه داك الشي.
- شوف ، غادي ندور معاك وخلي غير 3 د البوطات حمرات ودير وحدة زرقا.

الموعد المحدد جاو خوتنا :آش كيبان ليك قدام الحانوت ؟

الاول : 4 د البوطات حمرات و شطابة وصندوق د كوكا.

الثاني : لا ، كاين داك الشي ولكن كاينة بوطا زرقا و 3 حمرات.

كل واحد تشبت بكلامو شوية قالوا أراك نتأكدوا حنا كاع :
*
*
*
*
*
*
*
*
*
*
*
*
*
*
*
*
*
*
**

وصلوا عند الحانوت لقاوه مسدود ...........