منتديات دفاتر التربوية التعليمية المغربية - عرض مشاركة واحدة

oum othmane · 20-04-2009, 21:50

زماني زمان القراية بالدفتر.
المداد،المحبرة،اللوح والطبشور.
كلشي عل الجد يتهافت ولليالي يسهر،
باش النتيجة تكون مزيانة فالأخر.
الامتحان فزماني يتسمى الاختبار،
كل شهر فالقسم إدار فالدفتر..
الوالد إوقع لي فيه وأنا كنتبختر
......................................
اليوم اليوم كلشي تبدل وتغير..
كلشي موجود عندنا كلشي موفر..
وشكون لي باغي يقرا وشكون إفكر
كلشي ولا من التحصيل كيتدمر..
الشباب باغي يحرك ..ويتطور
صباح وعشية يكول ما عندي زهر.
باغي برا ندير حديدة وللفلوس نوفر.
............................................
أش خصك فبلادك ياك كلشي موفر
غير خمم يا ابن ادم وبدماغك فكر
بذل مجهودك وللياس لاتنظر..
حل عينيك راه الدنيا ربيع زاهر.
والمستقبل قدامك ضاحك ومنور
غير ما تهديش نفسك وجبة للحوت فالبحر.
أم عثمان.