[oum othmane]

اقتباس المشاركة الأصلية كتبت بواسطة driss972 أنت... أنت .... عمارت قلبي المقهور و حبيبة العمر و رفيقة الأيام و الشهور بحبك و عشقك راني مسحور و بهواك نهزم السباع و النسور نطلب الله يجمع حبنا بالفرح و السرور و ما نتفرقو غير فالقبور بلا بيك ما يدوز لي لا عشا و لا فطور كفاني حبك باش نصوم بلا سحور عليك يا ... نسول الجبال و الطيور و حياتي بعيد عليك ما تشوف النور بعيد و خا ما فارقنا لا حدود و لا بحور الحساد ... بغاو يفرقونا بالسحور و بغاو يوسخو حبنا الطاهر بالتفوسيخا و البخور كلامهم يوصل لي بحال القرطاس فقلبي مغمور بغاوني نرجع بححال الكلب المسعور و لكن الكلب على حبابو ما يتور و يبقى الحاسد ديما فعيني محكور حياتي بلا بيك موت وخا نملك فيلات و قصور و السعادة ما يعرفها قلبي وخا نكون فجنان داير بيه السور و الماكلة تجيني باسلة و خا فيها الملح و العطور و الحزن و العذاب عند رجلي منشور و اللي ما جرب حر الفراق فحياتو مغرور و كل من يتعذب من بعاد حبيبو معدور driss 972

هنيئا للتي أسرتك بحبها ..وسكنت دهاليز قلبك...وحياتك بلا بها موت وخا تملك فيلات وقصور......
رائعة زجليتك أخي الكريم....
مزيدا من العطاء في هذا المضمار ،ولا تبخل علينا بجديدك.
تحيتي واحترامي.