فصداقتك شوف لي رحيم وعليك ما يتخلى
لي يخاف عليك ولأحاسيسك ديما يرعى
لشعورك ديما يقدر وعلى بعادك ما يتهنى.
وقت الشدة تبان خلاقو ولسعادتك يتمنى.
الى تألمت يتألم وبمرضك وسقمك قلبو يتدمى.
رد بالك للي لابس قناع الغدر وبمشاعرك تيتسلى
افرش ليك الورد ،وبخصال الزيف كيتحلى
فوقت الشدة ديما مشغول ويكول لك زيد تسنى
الى فرحت فرحك ما هموش ،ولعذابك كيتمنى
دموعي تجري وديان على هدشي لي كيجرى
ولات الصداقة رخيصة بها البعض كيتفلى
ولات سلعة ناقصة من زنقة لزنقة كترمى
الصداقة معدن نفيس ما تباع ما تشرى
الصداقة كنز ثمين عليها نحافظ وخا قلبي يتكوى.
ام عثمان