[الدخيسي ابو أسامة]

اللي كَال العرس ساهل يوجد ليه الما.
اللي يدو في الما ماشي بحال اللي يدو في النار
(بحال : مثل )
الما بحر و اللي عافو يتنحر.
الما حدر راسو ونفع و الدخان هز راسو و تجلا.
(حدر : احنى رأسه )
الما فلقرعة وخى أما القرعة فالما من قلة لفهامة.
الما ما يروب و الكلبة ما توب.
(الكلبة :العاهرة )
الما و لعواد والرزق عل لجواد.
الما يكدب الغطاس.
(اعتقد انه منقول عن المصريين)
الماكلة بلا ما من قلة الفهامة.
المربي أولاد الناس يالداك الما في المهراس .
(المهراس : آلة مشهورة تتخذ من النحاس الاصفر لطحن أو دق التوابل و غيرها ، أما الخشبي فيستعمل لفصل الحبوب عن سنابلها ، كالذرة و الشعير ...)
الواد كيتكاس براس لهبيل.
(كيتكاس : يُقاس)
إلى بياضت سماها خص لرض تشرب ماها .
إلى توجد الما كيترفع التيمم .
إلى جات الشتا في الصمايم بيع الزرع واشري البهايم
(الصمايم : السمائم ، الوقت الشديد الحرارة في منتصف فصل الصيف )
إلى حبوك ترتاح وإلى بغضوك تضرب في الما حتى يقساح
(يقساح: يصير صلبا)
بارد سكة ولا حامي يزلف .
(سكة: شديد البرودة. يزلف : حار جدا)
بحال اللي تيكب الما في الرمل
بحال اللي تينفخ في قربة مثقوبة
بين الحرث و الحرث شهر أو شهرين وبين الحصاد و الحصاد نهار أو يومين .
جا إلى دجاج لما و بغا يلعب معاه غطيس.

2k