[بولعلام]

خوتي يالحرار
را قلبي محتار
محمد يا المختار صلى الله عليه وسلم
واش هاذ الغمرة الضيق
كل نهار جديد
خبار دوب حجرة
ليام ليدازو
قالو هبال البقرة جنون البقر
شلا زرايب خلات
تحرقات بالنار الحمرة
هاذا حكام الجبار
او بنادم المجنون
ما يدي عبرة
مورا هاد البلا بفتح الباء
جانا بوشنينيق أنفلونزا الطيور
حرقو كاع الدجاج ثلاث نقط فوق كاف كاع
مابقى تبقبيق
حكام الله القهار
اوبنادم مازال يعيق
واليوم يالخوت
القلب راه ينوح بتسكين الياء وضم النون وفتح الواو المشددة بمعنى يبكي
جانا خبار جديد
الحلوف راه تروح أنفلونزا الخنازير
صار يعدي فبنادم
والموت يحصد لرقاب
راه الحال يخوف
كلشي منكحل الراس
هلك الطبيعة
اوزلع الوسواس
محمد يا المختار صلى الله عليه وسلم
واش هاد الغمرة
كل نهار جديد
خبار تدوب حجرة