زمان هذا
واش من زمان
زمان الذل و الهوان
المحبة ولات عنوان
للإهانة
للذل
و شلا عيوب تبان
يقولو
اللي تحبو طيعو
سرو لا تذيعو
أو بالذهب
لا تبيعو
اليوم ولاو يقولو
اللي تحبو هينو
بالقسوة
قابل لينو
و بظفرك
عمي لو عينو
القلب ميال
و اللسان
يبات و يقيل يسال
عل المحبة
عل المحنة
و على راحة البال
فزماننا
الكل يتمنى
يفرح
يسعد
و يهنا ليه البال
لكن ...محال
ولا القلب
يتجرح
و تقطع ليه الأوصال
هذا حال الدنيا
ماشي بحال الأحوال
ياك حنا خوت
إيوا هاك ودي
دير يدك فيدي
خد إحساسي
خليه عندك
ملي تيق فيا و تفهم
و لجراح نفسي
تحزن
و تتألم
نعطي قلبي
ليك هدية
و نقول ليك
ألف هنية و هنية
driss972 بتاريخ 06/05/2009
على الساعة الواحدة و النصف صباحا