[أبو العز01]

قصيدة ..فاطما
لناظمها : محمد بنعلي المالكي
المرجو قراءتها بالدارجة
اللازمة : 4 أبيات تُردد بين كل فقرتين
************************************************** *****
لازمة
أرحمي يا راحة ْ لعقلْ فَرحامي
من جفاك طال سْقامي
كيفْ نبقى حايرْ وَانتِ مْسَلْيه
روفي يا لغزال فاطما (فاطمه)

أمولاتي الحبْ والهوى ولعشْقْ ونار لغرامْ
من حالة ْ الصبا فَعْظايا قامو
كل واحدْ دارْ مْقامو
فْمَهْجْتي ضْحى بَحْسامو مْعَ غْرامو
يَطْعَنْ و ِيْزيدْ فْلَغْرامْ عْذابي
في غْراضْ هاذْ الدامي
غِيرْ مَلْكتْ عقلي بَجْمالها
غَلْقتْ باب لَمْراحْما (لمراحمه)
لازمة
أمولاتي ما كان هكذا قصْدكْ يا زينَة ْ لَمْرامْ
تْعَذْبي بْغيرْ سْباب غْلامكْ
بَعْدْما قَبَلْتْ قْدامك
بْلَقْهَرْ رْعيتْ دْمامَكْ مَنْ غْرامك
ضاعتْ بَجْفاك طْويلْ إيامي
هي غْرايْبي وَهْيامي
عْلاشْ عاقبتِني بالظلم بَعْدْما طَعْتكْ وَ نْتِيَا الحاكما(الحاكمة)
لازمة
أمولاتي فاطْما تْبَخْلي حتى بْلَكْلامْ
ما جا رْسولْ ما قلتِ كَلْما(كلمة)
واشْ ما فْقَلْبَكْ رحما
يا اللي جَرْتِ بالحكما وًحُبكْ ما
فْ وَسْط القلب زادْ زَنْدْ ضْرامي
بَرْرْدي الصهْدْ الحامي
بْلَوْصال وُلَمْصالْ اللي بْشَفْتَكْ ديكْ العَذْبِيَه الناسما
لازمة
أمولاتي فاطما انتِ بالحالْ سْليمَه
حالتي بَجْفاكْ سْقيمه
كيفْ نبْقى منسي ديما بْلا جْريمه
واشْ نْتِيا اليوم سَمْعَكْ صامي
جاوْبي جْواب كلامي
بْغيتكْ تْصَفي داكْ القلب إِلايْلَنا(إلى أنا)عبدكْ و انْتِيا الحاكما
لازمة

يــــــــــــــــــــــــــــــــــــــــتــــــــ ــــــــــــــــــــــــــــــبـــــــــــــــــــ ـــــــــــع

رجاء ،إخوتي الدفاتريين،وخاصة عشاق كلام الملحون لا تبخلوا عني بمحفوظكم من هذا الموروث الشعبي الذي أقبره الإهمال../