[aborayaan]

غوباش كان عندو جار
من خير الناس يا حضار

جار سميتو مبشور
وهو راجل مبشور
غير نشوفو تمشي مسرور

ديما ضاحك ديما فرحان
يحبوه الهل والجيران
والنور على وجهويبان

الناس ديما عليه ملمومة
معاه ماتبقى مهمومة

المبشور مقدر الجورة
ديما يضحك فوجه غوباش
ويبادر ويقول لباس
واخا غوباش عليه مايرد
ولضحكتو ديما يصد
المبشور ما قطع الياس

سنين وسنين على هذ الحال
وغوباش ماعاجبو حال
والمبشور راجل غزال
معاه مابدل فعال

غوباش فنهار صبح مبدل
قال مالي عايش مبهدل
وعليا نازل الذل

تفكر ضحكات المبشور
العايش فهنا وحبور

قصدو يسول عل السر
فالسعادة الّي تبهر
عندو لقا جوابو فالحين
بذكر الله تعيش مطمئن
ارضا بالّي عطاك مولاك
الخير كلٌّو يكون معاك
تخرج من حزنك وشقاك
والفرحة تعلو فسماك

غوباش يا ناس سمع الكلام
ولَّا يسبق لسْلام
ونسا الهموم والتخمام
علات لوالبسمة علرسام

هذي نهاية لكلام
لابغيتي الدنيا والدين
نوصيك كون من الشاكرين
تكون ليك السعادة وسام
ولالشيطان تجيب التمام