[aborayaan]

اقتباس المشاركة الأصلية كتبت بواسطة tadlaouia هذا ردي على ابي ريان ..زجالنا الكبير كون كان الراجل يجي و يجيب كاع ما تقول المرا أرا طول النهار ف القهاوي يخوي الجيب وملي يجي للدار الي حل فمو يقول ليه برا مع صحابو هضرتو هضرة الحبيب وفدارو مع مراتو و ولادو تبان الضسارا ما يعرف تفاهم ولا سياسة وما كاين غير الضريب ومن غواتو تتشكى ديما الجارا

تحية أختي التادلاوية:
كنت دائما متهما بالدفاع عن النساء "كثر من القياس"لكنك هجومك الشرس جعاني أتعصب لأبناء جنسي .

النسا ليوم
كَالو تمكنو
سمعو مُدونة
كَاع فرعنو
ومعا رجالهم
ناضو تغانّو
فعوض ما يحضنو
ويحنّو

حسنو موسطاجهم
بحال الرجال
لبسو الدجين
حيدو الخلخال

كَالو الجلابة
لباس الراجل
النسا صبارة
والراجل فاشل
هما واعيات
الراجل جاهل

قوات فيهم
الفهامات
تسمع الكلام
تما تبات
تشوف الفعايل
لازين لاثبات

مابين فيلم ومسلسل
هجراتو مسكين
عنو ماتسال
لاطلب حقو
تقول هبال
ماعندو شغل
هاد الراجل

قنطاتومسكين
بالكلام الخاوي
هجر دارو
وسكن القهاوي
ومعا ولادو
مابقا داوي

اليوم راها
ترغب وتساوي
بلا بيك البيت
بقا خاوي

يلا بغيتيه ختي
راجالك دلليه
ماشي تقهريه
وتذليه
يلا كان مقلق
صبري عليه
بكلامك الحلو
فوجي عليه
قدام ولادو
لاتبهدليه
ما تطييحي كلامو
ماتصغريه
تلقايه راجل
العمدة عليه