[aborayaan]

كثرتوا علينا
كل نهار قرار
كل نهارخبار
قرار ينسخ قرار
وخبار يكذب خبار
فين راسنا من رجلينا
الحقيقة غايبة
والسياسة كاذبة

قالوا السياسيين
الشعب مسكين
ماعارف شبغا
حنا نعرفوا ليه
الشعب مسكين
مالازم يفهم
حنا نفهموا ليه

قالوا السياسيين
القرارات سياسية
مسألة نخبوية
الشعوب غير أغبيا
سرهم التهميش
حنا الفهاما
حنا العلاما
نضرتنا بعيدة
وشوفتنا سديدة
ولي خالفنا متخلف
ولي ماضوّا بضونا
ظالْمْ وْظْلامِي

قالوا السياسيين
حنا نعمة لْشْعوبْ
وخَا كلامنا كذوب
حنا صانعين لْحْلام
وبلا حْلام مايكون عيش
حنا نرسموا دنيا مْوْرْدَة
لِّي بها الشعب يرضى
مابين حملة وحملة
نفرْقٌوا الكْذُوب بالجملة
كلشي نبينوه ساهل
ولِّي عاق بنا جاهل