[tadlaouia]

اقتباس المشاركة الأصلية كتبت بواسطة aborayaan تحية أختي التادلاوية: كنت دائما متهما بالدفاع عن النساء "كثر من القياس"لكنك هجومك الشرس جعاني أتعصب لأبناء جنسي . النسا ليوم كَالو تمكنو سمعو مُدونة كَاع فرعنو ومعا رجالهم ناضو تغانّو فعوض ما يحضنو ويحنّو حسنو موسطاجهم بحال الرجال لبسو الدجين حيدو الخلخال كَالو الجلابة لباس الراجل النسا صبارة والراجل فاشل هما واعيات الراجل جاهل قوات فيهم الفهامات تسمع الكلام تما تبات تشوف الفعايل لازين لاثبات مابين فيلم ومسلسل هجراتو مسكين عنو ماتسال لاطلب حقو تقول هبال ماعندو شغل هاد الراجل قنطاتومسكين بالكلام الخاوي هجر دارو وسكن القهاوي ومعا ولادو مابقا داوي اليوم راها ترغب وتساوي بلا بيك البيت بقا خاوي يلا بغيتيه ختي راجالك دلليه ماشي تقهريه وتذليه يلا كان مقلق صبري عليه بكلامك الحلو فوجي عليه قدام ولادو لاتبهدليه ما تطييحي كلامو ماتصغريه تلقايه راجل العمدة عليه

تحية لاخي ابي ريان ..زادك الله من فضله ...



قال ليك رجالة

إيوا هادا العجب العجاب

معلق لي طانكا فودنو

وحاطة ليها مو الحجاب

خايفة ضربو العين

يا سيدي اش هاد المكتاب


هاد الشي وهو صغير

اوملي ولا راجل كتافو ما يدوزوهم باب

مسكين يقلب على المرا الموظفة

باغيها تصرف عليه وعلى الاحباب

الرجلة مشات مع الواد

وداوها الناس الجواد

وهاد الراجل ما زاال زايدها بالحساب

الراجل هو الي يقد بدارو وولادو

وما يرضى يمد يدو لمراتو

ويصرف ويحن ويخدم في العجاج والضباب

ويجري ويجاري ويدمر

ويطرق كاع الابواب


اوا الله يجيبنا في التمام ...اشنو رايك اخي ابو ريان ؟؟؟؟

اختكم تادلوية